近排精神同身體既狀況都差左好多，可能太多野做而我又唔識安排d時間啦。
有好多時我都覺得自己好冇用，成日都要靠人幫我我先可以將d野做好佢，但係我真係已經頂唔住，我已經好辛苦，自問自己唔係唔努力去做既人，但始終都係做得唔好咁，到底我仲差d咩？

我真係好驚，好驚我會痴左線，因為有時我真係好想行出馬路等車撞，好古怪，一d都唔似我。

前排因為身體週期出現左d問題，所以走左去睇醫生，醫生話我因為壓力大、睡眠質素差、同埋休息時間唔夠，所以身體自己作出調節。結果醫生開左d藥俾我，話唔係安眠藥，只係等我訓得好d，點知真係好到唔知醒起身返工，到我得閒既時候check下係咩藥，一睇就嚇左一跳，係"鎮定劑"。
係呢一刻我真係覺得我自己已經到左一個頂點，我唔可以再搵自己條命黎搏。
睇返自己親人既醫曆，個個身體都一定有d毛病，我怕我再搏我真係身體會出問題。

依家已經唔到我唔放鬆自己，放鬆工作態度，我唔可以再係訓覺既時候都仲係諗緊做野，再咁落去我真係會痴線。