講起澳門~都會覺得好特別~唔知係唔係因為媽咪係係澳門出世同成長~聽過好多關於佢係澳門既生活趣事~次次都會覺得好熟識~

次次去到澳門~我都會想去觀光塔行下~因為由高處望下~感覺好輕鬆好舒服~
有一樣野我更加係次次去到都一定會做~就係係觀光塔既玻璃地板跳~尤其係見到一d叫人放膽去行~但係自己都淨係係玻璃既邊邊行過既人~我一定會係樓梯跳落玻璃~因為咁樣可以嚇佢一跳~等佢知道佢自己都仲係好細膽~同埋等其他人都知~根本唔駛怕~跳都冇事~更何況行?
(遲d再去到Toronto~一定要去一去CN Tower跳下玻璃先~ =p)
除左跳玻璃之外~我最想就係住海景房~望住觀光塔既日同夜~每去到一個地方~我都好想睇下o個度日同夜既分別~結果今次冇失望~好靚~(張相相我都係係酒店影出去咖~)

每次去到澳門見到觀光塔~就會覺得自己好似又返左去Toronto望住CN Tower同Sky Dome~又會更加期待想快d再去加拿大~再去見我既婆婆~我既表姨甥女~我既親戚~探下我o個個係生死邊緣既三舅母~同埋拜我既大舅父~
自從9年半前大舅父同我地去玩完~半年之後佢就死左~到依家我都未過過去加拿大~都仲未可以去拜佢~我真係好掛住佢~今次我一定要拉大隊去拜佢~去足全日~反正外國既墓園都好靚~去野餐都唔錯丫~

好想快d六月呀!!好想快d去加拿大呀!!!!