2004年10月6日 星期三

終於等到有一日DayOff！！

過去幾日真係停都無得停，今日幾大都抖一抖。

好耐無試過一覺訓到大天光。

去左油麻地拎護照，其實早二個禮拜已經可以上去拎，不過唔係唔得閒，就係唔記得。

護照呢樣野好神奇架！當你唔去旅行你係唔會諗起佢，但當你要去旅行果陣，通常會發現佢已經過期……

如果唔係我唔會去唔成台灣！

拎完護照都2點鐘，本來諗住返U sit<思方>，但去得黎都無位啦。不如行下街買下野換下季好過。

由油麻地行到太子，結果係將銀行存款減少…

返屋企果陣先係四點鐘，睇怕仲可以訓多兩個鐘午覺。

估唔到係龍翔見到敏，一個點都估唔到會撞見既人。

仲要係呢種時候、呢個地方…真係…

匆匆Hi-Bye，無乜兩句。

佢睇黎成熟左。

返到屋企，本來行左成日，累到想訓，但一見到自己亂到狗竇咁既房…真係忍唔住要執返好佢。

一執就執左成幾粒鐘。諗諗下，如果我住hall，以我既性格，間房實唔見得人，到時真係樣衰。

雖然唔返學，但最後都睇左幾頁書。