年初二的下午，我重睇《無間道》。二零零二年十二月十七日，一行十人懷着興奮的心情，浩浩蕩蕩地前往沙田UA睇《無間道》。踏出戲院，每人的臉上都掛着滿足的笑容。大家往西田美食廣場醫肚之途，《無間道》評價之聲，不絕於耳。醫肚之時，大家繼續口沬橫飛，場面熱鬧，好不開心。今日我重睇《無間道》，當日的情景依然瀝瀝在目，《無間道》高潮迭起的情節也徘徊在腦海裏，心情十分滿足、充實。

曾經有人講過：「只有王家衛的電影才重視電影配樂」。以前我照單全收，現在我並不同意。陳永仁（梁朝偉飾）睇心理醫生，同李醫生（陳慧琳飾）做對手戲時用的配樂叫「我在夢中見過你」，是我的首選。「我揀做個好人」也很出色，出現在陳永仁和劉健明（劉德華飾）合作對付韓琛（曾志偉飾）之時。

《無間道》有兩個位我係好有感覺，一是黃Sir被人掟落的士，二是傻強臨死嗰場戲。我發覺自己代入了陳永仁的角色，那種突如其來的悲痛，深深地插入我的心窩，兩行淚水不期然從眼角流下來（講真！）。而最深刻的對白莫過於「當初你話三年，三年之後又三年，三年之後又三年，十年都嚟緊頭老細！」

踏入猴年，我祝香港電影百尺竿頭，更進一步，恭喜恭喜！請支持香港本地電影嘅拍攝工作，多謝！