又到左4年1度既奧運會喇。唔知點解﹐上屆我無咩留意﹐但係今屆我無得睇我都會上網睇下個獎牌榜或者係d初賽﹑分組賽既成績。時間過得真係好快﹐4年後既今日﹐同4年前已經唔同晒﹐好多野都變左﹑或者變緊。4年前我根本估唔到今日會變成咁﹐所以我都唔敢想像4年之後﹐我或者我身邊既人同埋事會變成點。

轉眼間﹐原來8月都改左一半。勉強黎講呢個都算係我最後一個暑假﹐但係真係過得太快﹐我根本都未投入暑假既氣氛就已經快將完結。宣誓入籍都有4個禮拜﹐照計本護照應該晌呢幾日就收到﹐然後我就可以訂下個禮拜既機票返香港。一切都好似晌我計劃之中﹐但係又好似晌我掌握之外。因為下個禮拜六就有一場波等緊我﹐只係剩番10日時間﹐好似好趕。

古巨基新牒真係幾好聽﹐我個人比較鐘意"Touch"同埋"傷追人"。