4 Oct --- 6 Oct 2006

三日話咁快就過左lu! 兩個字 - - - 「正」 同 「嘆」！
呢幾日過得真係好舒服, 好悠閒, 我地慢到直情變左舊豬油糕.。

間屋好大好靚好舒服，阿B給我一個五星級既家呀~~~ (多謝晒！)

我地都既活動…　揼骨、沉溫泉、游水同都係揼骨。加掃零食、圍搵野食同訓，
不過我地兩隻野都傻ga! 咩都笑一餐、咩都玩一餐…

好鍾意呢種感覺，做咩都唔駛急、慢慢來！
不過佢地d人做野慢到有時真係頂佢地唔順，
雖然慢慢來唔駛急啫！不過最緊要快！如果唔係就要等到下個禮拜！
呢句阿B教ge! Haha! (又係度笑一餐)
之後我地行行下見到個警察企左係度，竟然走去撩佢，叫佢同我地一齊映相，佢就好尷尬又好可愛咁係度傻笑，haha!! 都話我地傻ga la! 真係咩都玩一餐ga!

呢幾日我地發覺o個度有好多「高人」：

~有唔識路又唔識睇地方名，兼聽唔明我地講咩既大叔。
(唔識路又唔講，夜媽媽同我地遊中山… 最後要問實Q先返到屋企…)；
~有堅持蒸腸粉唔係蒸，兼問一句就好惡發我地脾氣既茶樓職員；
~有明明係茄汁意粉，但偏要話係沙嗲意粉既waitress；
~有同我洗頭洗左4個字既好煩salon員工。
(阿B都洗完頭剪完頭髮，開始電緊髮…)；
~有咩都唔識剪但以為自己好勁，兼又係好煩既軍師父……
(唔該拎去培訓、培訓、再培訓，之後唔得，拎去掉得！)

仲有好多好多「高手」…　果然「高手」林立，利害！

PS 返到來俾阿哥串左一串，話中山無野玩，淨係返去退休…　(
俾佢激到 ~啤~ 一聲…　不過如果可以即刻返去退休我都唔介意ar! Hehe…