我不知道上來呢個台既人知唔知我係點既一個人﹐不過﹐有一位朋友﹐總係同我好有默契﹐可能﹐係因為大家都係同一類人吧﹗同佢熟得幾快﹐佢亦好知我介意同唔介意D乜﹐知我幾時講笑幾時認真。呢樣﹐我敢話﹐好多識我十年既朋友都未做到。

佢有晚知我唔開心﹐SEND左個PAGE俾我

俾我見到呢副照片﹕
http://www.celebritymorgue.com/marilyn-monroe/

某名人既遺照﹐所以唔該如果怕或介意呢D野既人﹐唔好去睇﹐因為都幾肉酸。

但係有膽色既﹐就去下啦。

相下面個段故事﹐先係令我輕嘆既部份。

係瑪莉連夢露既故事。

我仲要前星期先係學校既小販度見到佢個副迷死萬千男女既相。

諗完一陣﹐我覺得﹐我都係唔好太貪心﹐唔好以為自己有D乜﹐人地就要對我點。人既所有不快﹐都係因為一個貪字。唔係要做到無欲無求﹐只係起碼唔好俾自己理由去太過著緊發生任何事。我仲要記得我要既又唔係要人可憐﹐我以後鬧情緒時﹐要緊記﹐緊記。唔係既話﹐最後始終有一日﹐我會過唔到呢關﹐死得好慘。

可惜呢D思想﹐總唔會係自己係張床上面﹐拿著“DO--DO--DO”緊既電話﹐流緊淚個陣諗到。

盡力啦~~ 因為我唔想有日好似瑪莉連夢露咁﹐等一個無良心既人等到死。




我亦想所有睇到我呢篇小記既好朋友﹐記得﹐無野重要得過好好地活。唔好為一個人而輕生﹐因為﹐你其實重有全世界等緊你。

可能曾經自己都想死﹐有一般時間成日潛意識地做埋晒D危險野﹐回想番之後我好明白﹐一定有人都會好像我一樣﹐或比我更軟弱﹐曾經想做D傻事。唉﹐就如一個成日都係重要關頭提點我既好友話﹕

唔自愛既話﹐唔好以為會有人愛妳
亦唔好覺得﹐一定要人地去愛自己


自私既人太愚蠢啦﹐令周圍既人都因佢唔開心﹐佢自己又唔係開心。我對人好﹐我自己開心﹐佢又開心。當然﹐我好憎幫D好似我一定要幫佢個D人﹐你自己條命﹐點解要預埋我個份﹐你係值得既話﹐我自然就會對你好好﹐永遠唔會唔理你﹐而且我最憎人地小人度我君子之腹﹐(我難得唔“小人”既時候竟然唔鼓勵鼓勵我? 豈有此理~)

呀﹐有D離題。^_^"


最後﹐唔好因為我既說話﹐迫自己去睇本身唔想睇既死人相。




話畢