我今考完科Structural Biochemistry, 接住上堂Genetics, and then...

嘩~ 好玩~~~~
(雖然上星期先炒完呢科MIDTERM)
我今考完科Structural Biochemistry, 接住上堂Genetics, and then...

嘩~ 好玩~~~~
(雖然上星期先炒完呢科MIDTERM)

正如柏大那數個從前“書”場上既好戰友經常提及到的“我地學既野﹐愈來愈高深﹐如果我地好似以前咁講返學既野﹐只會係我唔明妳講乜﹐妳聽唔明我講乜”

唉~~

其實又點止佢地呢。我諗到既朋友之中﹐好似只有一兩個會知我講既係乜﹐ 一個係從來唔同我傾讀書既老友KAREN﹐一個係唔鐘意講野﹐擁有古怪性格既天秤座SANDRA。所以﹐我就只可以自己同自己講啦~

昨晚﹐我捉左理解能力超高又正在無聊中既維維來“玩”﹐同佢講我溫緊既 T cell structures (T cell係我地immune system中好重要既cells) 佢好似話明﹐但係我就覺得佢好似唔係度聽緊我講乜咁﹐我都係講得唔開心。

不過今日genetics講既TOPIC﹐好攪野~

講緊一D因為D奇怪既結合而生出來有無眼或有三隻眼既BB (佢地係會好快死)﹐個頭係空心既BB (=真正既無腦﹐都係死路一條)﹐有三條廿三號染色體既男女﹐嘩~ 我一路聽一路“嘩”﹐而且﹐今日我座左係個超MAN既鬼仔旁邊﹐成日都想偷望佢﹐所以我成堂都好投入(無論係邊方面都好啦)。

跟住又覺得﹐自己生出來起碼外面睇落去正常(入面幾胡鬧都好)﹐係點樣先修到來既福份呢﹖

仲要有D人會生得好似我身旁個位男士咁正~

我真心認為﹐係讀呢D關於生命既科學期間﹐係可以參透好多哲理。好似﹐上天真係安排到剛剛好﹐跟住我就單左出來呢個世界度﹐無多一隻手指﹐無少一邊腦。

呢D所謂巧合﹐只要睇下D多一條染色體既人會係點﹐就知道呢個真係一個巧合。知道如果我地少一組基因就可以完全唔一樣﹐就知道現在既自己係幾唔實在又存在既自己。

人生果然係好多好多既美妙巧合串連成﹐奇跡每日都係度上演。

既然都只不過係巧合﹐人世間好多野就冇必要太過介懷。所有野都會有可能一個唔好彩﹐面目全非﹐任何野可以係過眼雲煙﹐只不過﹐剛好﹐你我生在它還是實實在在存在的空間而已。

反正乜都係假﹐是非對錯真假得失又有何意義呢~ 做人做到自己開心就好﹗