話說台長因為要任性地副修音樂﹐所以一到步就已經問好晒D PRACTICE ROOMS既POLICY﹐又因為我又唔想煩到我既主修科目﹐所以我又問晒成年MUSIC DEPT會OFFER 既科目﹐再因為我太“醒”﹐考晒musicianship, theory同 keyboard既PLACEMENT﹐D RESULTS又要同MUSIC DEPT交代清楚﹐個SYSTEM先俾我REGISTER﹐所以我就好趕咁走去請教個SECRETARY﹐ 不過也可能因為台長太煩太樣衰﹐ 佢從來都好似好憎我咁﹐而我同佢既心病亦係交往之間愈來愈明顯。

呢個絕對唔係我幻想出來﹐我問佢各個PLACEMENT 既時間地點﹐佢起先話得一個總試﹐點知我考完去俾佢我個成績心想“終於可以完成我既REGISTRATION”﹐佢先話﹕仲有野要PLACE﹐她媽的﹐唔該一次講晒啦﹐我又唔係好有空檔成日去找呢找路﹐佢一向都唔好既態度加上呢次﹐係我憎佢既根。

又有一次﹐我排緊隊去問佢野(唉﹐所以話﹐又要靠佢幫我處理D野﹐又要扮冇野﹐而台長就係愈大個愈真既人﹐D演技已經一去不復返)﹐我見到佢見到我﹐之後就對我前面幾個人都好友善﹐仲對我前面個個女仔話﹕I like you very much~ Please stop by whenver you have time! 跟住一到我﹐就立即黑晒面口﹐而我亦都一樣﹐個次係我憎佢既源(亦都話俾大家同我自己聽我份人係幾幼稚)。

如是者﹐次次見到佢都不太愉快。

可惜可惜﹐直至前幾日我真係日日都有見佢。我都唔知點解﹐總之就係又要問佢野呀﹐俾佢野呀咁﹐我一入OFFICE﹐佢就嘆氣﹐唉﹐妳唔想見到我﹐我都唔想見到妳GA八婆(恕我在新聞台上發放粗言﹐但我真係一見到佢嘆氣扁嘴說係心中咁講﹐有時仲加句扑街)﹐佢都有一次真係係我叫佢幫我入D資料個陣一路入一路講出口﹕I don't want to help you. 最令我不忿既就係呢句。喂大姐﹐我俾錢學校﹐學校請妳就係為左幫學生處理呢D野﹐妳憑什麼係度扮我老細先﹐我從來都只係目無表情﹐但係同佢講野用字都算有禮貌(我亦不是太懂如何用英文串人)﹐都有HELLO同THANK YOU﹐BYE佢﹐佢對我就擺明唔妥咁﹐對我無禮貌仲係度為難我﹐係美國真係唔多見到呢D人﹐唉﹐算啦﹐鬼叫我又要MINOR樣野咩~

一諗到呢層﹐唉﹐辛苦D都值既~

後來﹐我同佢阿頭﹐個COORDINATOR攪左D關係(=佢起碼係芸芸眾學生之中認得我知我大概係點既情況)﹐以後有野﹐就直接“煩”佢﹐仲好﹐佢POWER大D﹐只要佢明白我既問題而想幫我﹐POWER都大好多﹐依家小野先去個死人SECRETARY度﹐總算解決左一樣令我心煩既事。



台長竟然為左呢樣野都煩左好一陣﹐好明顯之前D修為基礎其實係好差﹐只要一有考驗﹐就原形畢露啦。


今次呢個TOPIC離“學術”已經近左啦。各位就唔好太高要求啦﹐唉~