受到某人提示
都係時候公開一下我既"感情"世界

有一晚跟好友在外面聊天
一回到家就收到室友男友的電話
無奈室友正在洗她久久的澡
所以我就接完一個又一個
因為是我接而帶著失望口吻的電話
這樣一來真不知笑好還是哭好
不過從另一方面來看我還是很高興
因為這是近期感情上比較正面的一個例子

第二日我起來時室友們都在睡
有一個是跟男友相擁著睡
不知為何, 旁人(i,e. 我)看到了這種情景
也不會覺得難看
他為了見她, 那晚掛了電話之後
由拉斯維加斯連夜一人開了八小時的車回來
只不過是四五天不見面
我那位室友就晚晚跟我說
"好悶~ 好煩~ 做乜好~"
什至我聽到她跟電話那邊的他說
"我好寂寞呀~" (我當然繼續在笑她)

可能是家庭及自己情況的問題
我對於像他們那樣忠誠恩愛的戀人
真的很羨慕~

自己既感情生活.....
唉
我好憎個天咁玩野法
好似玩我唔死就唔休個種

成日係我預料不到既時候俾希望我
係我努力完之後又打擊我
係我放棄, 諗住"都係食自己"既時候
再俾第二個好似真係可以實現既希望我
跟住又再次更進一步地打擊我

真係冇乜運

不過我一向都係冇乜運既人...

所以我唔會相信運氣唔會相信上天
唔係我想, 而係被迫成咁..

其實............

我遇到, 又動心過既人
唔多(自以為唔多...)
其中每個都曾經好有機會
(不過可能係我幻想出來既)
每個同我既下場都唔同
而且好唔同

有一個
我覺得做佢女人會最幸福個位...
(好可能咁啦..又冇話100%肯定)
都係怪自己冇用
如果唔係已經可能開始到
呢個已經係上天最幫手個位
每次係我以為同佢既故事已經完結個陣
又突然出現
我每次都同自己講
今次一定要主動啦
點知都係唔夠自信
一諗多一陣機會就走啦
之後發現已經太遲

又有一個
好有緣
但係我覺得做佢女人係唔會幸福
而且佢對我太差
我忍無可忍之下終於唔再鍾意佢
(好明顯一開始自己都唔係有太深既感覺啦)

再有一個
係我一手造成同佢冇可能既情況出現
我冇野好講

其實公開得既
好明顯已經係超級過去式
已經變成過去以及回憶既一部份

睇來
好快又會有一個加入埋呢個"超級過去式行列"
其實我都只係得把口講
冇一段係開始過
識我既人都知我仲係未開曉既靚妹
(嘩! 加加真係講得就講~!)
係完成我足足十八年既"純粹發夢"既生涯之後
我知將會進入另一個階段
呢個步伐係無可厚非既
好自然好正常會發生既事

當然
我仍然係我
我既性格唔會變
只不過主要目標有變而已

都係呢句

Thing changes
But something never change