心情其實冇野架啦，今晚沖涼都有唱番歌，Ｄ眼淚冇話想流想流咁，可惜仍然．．

一波未平，多波又起－－

先係堂ＣＨＥＭ，今日ＧＲＡＹ講好多下星期一小測要考既野，Ｇｒａｙ講起書真係好勁架，一堂可以講好多好正好有用加埋自己睇書冇可能明既野，但係一直以聽書學野多過自己睇書ｓｔｕｄｙ既我竟然冇返．．．我ｓｋｉｐ堂仲要係因為郵局一開門我立即要入去，如果唔係今日份野就寄唔到去要去既地方。

二係我返學去影印同學既筆記個陣，影錯左兩版，唔見左ｘｘ咁多錢都算啦，後來發現我問個個同學今日都冇留心聽書，起碼，除左黑版上面既野就係ｄ公仔，唉，佢ｄ筆記都唔可靠既！但係鬼叫自己．．算，自己睇明佢．．．我唔可以咁快驚先得。

三係好好好好煩最最最最黑既事－－我影印個陣打開銀包先發現唔見晒ｄ鎖匙，返屋企又唔見，一定係尋日朝早係實驗室黑仔緊個陣顧住走冇係我既ｄｒａｗｅｒ個ｌｏｃｋ上面拔番條ｌａｂ匙，依家連其他匙都冇埋．．．呀，唔想理住啦，刻意叫屋企ｄ人照常咁唔好鎖門先～

四係，咁我去伴學校既ｃｈｏｉｒ啦，開心下啦，點知醒起，我仲諗住聽日星期六去彈琴，冇鎖匙等於我連想同部琴傾訴下都唔得啦．．．我兩隻手呢兩日都好唔舒服，點知等到星期六都唔可以慰籍下佢地．．．．咁我又安慰自己啦：「其實我星期一到五都有彈琴既，不過係彈半個鍾伴奏ｊｅ，彈琴就有錢收唔錯架啦，都係因為間課室前後都有其他班啦，唔係我留多一陣彈下自己野都好呀～我ｄ手指跑得勁唔順啦～死啦～」唉，愈講就仲不安，都係講埋下面先。

五，我一返屋企又好眼訓，咁又乜都唔做走去訓，訓到要返工就返工，再返屋企ｃｈｅｃｋ下各個電郵戶口啦，點知ｃａｌ　ｐｏｌｙ又話見未收到其中一封ｒｅｃ　ｌｅｔｔｅｒ，應該係Ｇｒａｙ個封啦，因為雖然佢寄左，但係我唔記得同佢講我個ｓｏｃｉａｌ　ｓｅｃｕｒｉｔｙ，佢寄去ｃａｌ　ｐｏｌｙ咁大既學校，一封得我個名既唔知乜信，一早俾人唔知收去邊啦。又係自己一時唔小心之失，唉，又要麻煩多次Ｇｒａｙ啦～

六，今日坐我對面既ｒｏｏｍｍａｔｅ叫人上來打麻雀，唉，今次我真係一ｄｄ吵都忍不住個種，所以就黑口黑面（大家都知我真係可以幾七情上臉架），依家又有ｄ怕個班朋友會以為我扮野，不過已經理唔到咁多。

七，係忍吵既同時，又發現ｍｓｎ　ａｃｃｏｕｎｔ入面ｄ相要重整，因為ｍｓｎ想開始收錢，好來唔來又咁好彩今日俾我發現架．．．．

ＧＯＯＤ　ＦＲＩＤＡＹ喎
冇假放都算，但係都唔使咁玩ＩＲＯＮＹ法掛．．．