轉左個新台FORMAT﹐
其實有點唔慣﹐哈~
之前既文個抬頭又樣衰晒
本來諗過一個一個改返好
但係改左兩個之後又覺好麻煩
不如快D打多D文﹐
重量不重質一排
起碼第一頁睇落去會冇咁混亂
不過其實都好開心﹐因為﹐
起碼個台仲係度
唔可以POST文既日子好快過去
所以個台一返來我就開始打呢篇廢話

睇一睇好友們既台
復台之後第一擊全部都好“感性”
而我呢
好似唔係幾有個種“感性”既敏感
我依家只係覺得好胞~
好想訓﹐但係又唔訓得~
再加上照舊地好好好掛住一個人
就係咁
(其實都仲有少許甜甜地~~~~)

D其他感覺已經俾將近既大考用晒~~~唉~~~~~~

成個人D靈氣都唔見晒~

其實連周圍D人都係.....

有個朋友仔
問親佢點﹐
佢都話﹕好開心呀~ 好好呀~
好啦﹐昨日敏感地細問一下﹐
先發現佢一D都唔好
係個一瞬間﹐我覺得﹐
好彩我問下﹐
如果唔係﹐等有D乜事發生之後﹐
先收到佢電話同我哭訴的話﹐
就太遲啦

不過﹐可能﹐佢唔會“哭訴”
因為佢覺得唔係好大件事

我突然覺得﹐我玩開個堆同學同佢個堆
真係兩個世界既人

就算唔係好親既人
我估唔會有人想身邊D人有D乜事GUA
所以我覺得我都係出於好正常既心態~

我希望佢冇事~
我今次係誠心地關心下佢
唔知點解
可能係佢身上見到少少自己既影子
自己當然已經知道佢做個D野好傻
而佢就﹐好似唔多覺
點算呢?
其實我都知
有時真係唔到人自己選擇
好多時做既野都係被周圍推住來
發生完先知乜事個種
自己都經歷唔少
所以一定要知道自己想點
如果唔係就會俾其他人決定自己既命運

又或者我根本應該唔好再煩人地D野
因為真係完全唔係我控制到
不過盡下本份啦~
當學下點教女都好~