漫長的暑假冇咩野好做,唯有煲下漫畫
睇到狐忍的作者察自傳
我都心思思都想寫
當然…我梗係唔會用筆寫
唯有打在PC HOME
因為xanga唔係唔好,但會整到個牌面好冗長
所以打係PC HOME,不過係xanga都會講下既…
．．．．．．．．．．．．．．．．．．．．．．．．．．．．．．．．．．．
我生於一個草根階層之家,老豆係一個扎鐵工人
阿媽係一個典型的家庭主婦,生左我之後就冇做野
我生於1988年8月10日,不過我未出世前都幾… (唔識形容)
話說8月8日阿媽肚痛入院,但我唔肯出世
唯有8月9日早上出院,但當晚阿媽又入過醫院
係8月10日凌晨出世,生於瑪嘉烈醫院,體重達8磅幾…
當阿媽抱我果時,佢摸下摸下,咦……點解隻左耳咁高既?
於是睇清楚,原來……係一撻胎記,幸好頭髮可以遮到
我名字的由來…好似阿爺改,出世之後去查花根
話我五行欠水,於是想改”泳”字,但…女仔用lee個字好似……
於是改左”詠”,而”欣”,我相信長女關係掛… (同音字)
我嬰孩時期係一個都幾麻煩架,我係喊足一百日
而且未滿月就去睇醫生,加上我係曾經由香港仔喊返黎屯門
再者阿媽買一張較大而舒服既bb車,但我係唔鍾意坐
唯有買較細既bb車黎坐;我仲要有次瞓覺
阿媽熄電視,之後我就喊;開番又瞓番
到半歲果時,阿媽同親戚打牌,我扭計要抱
阿媽唔方便抱我,我係咁扭計
點知……我冚左去一張酸枝木長凳,d血係咁流
最後我左邊近嘴角的位置留下一度疤痕,可想像當時疤痕係好深
由於出世有8磅幾的關係,於是我的花名都關”肥”事
名字就…唔方便透露,因為我依家有班人叫我既名都關”肥”事
我相信…我應該脫離唔到”肥”…
另外呢…我bb果時係唔識爬架
我係盤起兩腳,好似瘸腳後孔乙己咁 (不知進是孔乙己就上網搵,魯迅筆下人物)
我兩,三歲學過芭蕾舞架,都算係舞得之人 (嘔…)
我聽阿媽講人地轉左我轉右,加上成日病於是就冇學…

(待續…)