17-5-05

呢日如常地受功課既煎熬
諗住去自修室做應該會做得快d
點知做左一陣自修室就要清場
見要等15分鐘不如落麥記做
因為鰂魚涌o個間麥記特別大

一去到唔係開始做功課，而係黎個麥記餐先
食食下有個男人問我對面有冇人坐
但明明周圍有勁多空位
我話冇
佢坐低左之後冇幾耐就開始搭爹
「嘩…好勁呀…你食薯條用咁多茄汁既???.......
你一包薯條用幾多茄汁架??
你其實係鐘意食薯條定茄汁???
會唔會就咁食茄汁?.................」

佢就係咁圍繞住茄汁問左我好多條問題-______-
其實我唔係好想答佢咁多
奈何我仲未食完野

食完想走既時候
佢問我圖書館點去
由於講極佢都話唔明
我惟有帶佢去

去完圖書館我話:
「你唔駛番去?你都係時候番去架la…我都趕住番屋企做功課…」
佢話佢o岩o岩轉左黎呢頭番工
公司d人叫佢出黎認下周圍d路 (佢做地產)
「咁我同你一齊行，順便認下路．．．」
下???????????

去到我屋企樓下
佢問我攞電話
我話唔好
糾纏左好耐．．．好煩．．．好想快ｄ脫身
「一係你俾你個電話我．．．」
最後呢個名為eric既人俾左佢個電話我
叫我做完功課搵佢做佢導遊或一齊出黎玩

份功課最後冇乜點做過
仲阻左好多時間－_____________－