3/12/04

一路都keep住有野做
每日都係咁追趕住功課/presentation
又要補習為口奔馳
連一點點既私人時間都冇
究竟疲於奔命既生活為左乜
成日都要飲好難飲又會令皮膚差既咖啡
成日食好多野”諗住”可以balance番自己既心情
面對住日漸膨脹既身軀
加上超級緊張既組員肥強
真係令人喘不過氣

我完全想像唔到第時番工每日做到7,8點
完全唔係人既生活
我o係度諗依家咁既壓力我係咪已經承受唔到呢?
所有野可能都只係一個藉口
做得慢、做得唔好係個人既問題
我愈來愈懷疑我係咪d做唔到大事既人
或者根本就唔需要懷疑

sem頭個火亦熄哂
理想好似距離自己愈來愈遠

唉
心情keep住唔好
但我係咪連自己都扼埋呢?
或者做人係需要嘻嘻哈哈咁對住人
或者人人都有自己既問題
或者問題係要自己解決，冇人可以幫到
或者冇人能明白
或者唔知可以同邊個講
黎黎去去都係講o個d都好悶
我既No.1珊珊又唔係香港 (mandy你有兩個阿一係好幸福架~~)

只係番到屋企乜野都無所遁形
唔知我d語氣有冇試過好差呢?
依家仲要想打個電話都咁難
個電話長時間俾細佬霸住
最近連阿媽都每晚有電話粥煲
更加顯得我既悲涼


**見到d聖誕佈置就驚~~
come on~~第3年咁既聖誕真係難頂~~~