續...
1315終於番到家鄉~~
終於唔駛再做大陸里
落機o個下真係有d感動
真係跑住咁出閘架

攞完行李過持香港身分證居民counter
個關員問我:「o岩o岩o係日本番呀?」
呆左...
番到香港都覺得我似?乜真係咁似咩?
我話:「唔係,o係中國北京。」
不過我係好想似既...hehe...

出緊閘
隔住個玻璃見到媽咪同嬸嬸...同佢地揮手
即刻快步推車出去
同佢地每個人擁抱
見細佬揸住個紙牌 "Jen, welcome back to HK"
勁開心...仲以為佢咁有心思
原來係媽咪個同事整既

跟住叔叔企o係老遠
嬸嬸話你阿叔做乜扮冷靜 (haha...)
我即刻同叔叔講"唔好話我肥左..."
跟住佢笑
都係自己衰~我應承左佢我下次見到佢既時候會瘦
唉...

跟住叔叔車我地去同爺爺嫲嫲姑媽飲茶
嫲嫲同姑媽一見到我一個就話我消霜左一個話我靚左
吓?唔係啩~你地真係識得揼人開心...

之後番屋企
一入到屋呀珊打黎
佢話佢o係機場!!
o個陣已經係4點幾
個傻婆2點幾先起身(大家留意我落機時間係1點幾)
佢驚冇人接我機
又打唔到俾我(sorry,唔記得攪番飛線)

又有另一位傻佬葉龍翔
打俾我問我:「點呀?聽日幾點機?」
我話:「吓?我番左黎la喎...」
原來佢以為o個日係17號-_-!

之後同細佬去打波
打左一場就好趕咁去荃灣
婆婆生日同佢食飯

食完飯呀珊o係荃灣meet我同我一齊番屋企
傾計傾到1點佢就走
冇幾耐jackie打俾我傾到3點幾

雖然成日好packed既schedule好攰
不過好開心
好多謝好多記得我番左黎又主動搵我既朋友
雖然分開左一段日子
不過好多野都冇變
仲係o個種好熟識既感覺
好多野都係在心中既!!!