0係郭一韋唔經唔覺已經16日, 伊家習慣左做1A同2A學生們0既MISS...所以開始無0羊新奇, 好玩同刺激0既事, 基本上伊家日日都過得好平靜...

但係平靜還平靜, 我都係要寫下日記...因為我知道我D朋友們同學生們都係我日記0既忠實讀者, 所以我都唔想你地失望...

唔...等我講一D今日發生0既細微野比你地聽啦...今日上1A Listening, 比我發現有兩個學生抄答案, 我真係好怒, 因為其實我知道你地做listening有困難, 我已經一度做一度同你地對, 你地兩0個少少都唔聽, 仲0係度抄答案, 真係好過份...當然, 我鬧完就無事啦...你地下次真係要好好努力...試下聽...唔係我又好似今日咁將你地本listening放0係地下...唔比你地聽, 要放學留堂聽返!!!

另外, 上2A堂設計左個遊戲, 大部份學生都好投入咁玩, 我看到你地玩得咁開心同埋你地有好似真係學到野, 我都開心, 如過次次都係咁就好啦...咁我堂堂買野請你地食我都願!!!不過...第五行0既同學仔...全班得你地0係度坐...我都唔知你地發生0羊事...同埋我很喜歡的某同學...你自己唔開心唔該唔好係我面前鬧情緒...我唔會因為你唔開心而唔駛你做野...如果成班同學因為累, 因為唔開心就唔使做野, 咁我就一定比人炒啦!!!你真係要好好反省下!!!