歐遊第十五站 - 荷蘭阿姆斯特丹

去到阿姆斯特丹有d 似返鄉下o既感覺, 學呀姐話齋, 我假假地都係一個荷蘭傳人! 去返我o既出生地真係有說不出的喜悅!

荷蘭靚在佢地屋全部都起o係運河側面, d 屋外型又係好靚, 再加上o係運河上d 船屋, 真係好有歐洲feel!

當我地入到荷蘭, wah....it rained cats and dogs...仲要係好大好大o個種, 落極都落唔完咁....好彩, 落車o既一刻...竟然見到藍天白雲!

o係amsterdam, 我地又o係d 運河上遊船河, 去行左紅燈區(wah...d 櫥窗女郎幾咁樣靚身材正呀!), 仲有去左風車村, 參觀木屐同芝士廠...每一個行程都好開心! 好多野看!

而amsterdam 係我地歐洲之旅o既最後一站...呢兩個星期去左好多地方, 全部都係一路以來好想去o既! 好鍾意呢種完全無憂無慮, 人地安排好晒o既旅程! 開頭報團o既時候其實都有d 肉赤, 但係當你去到o個度, 看到個生活指數咁高, 就知道呢個團真係超值, 食得幾好, 住得都幾好. 我可以好肯定如果以呢個價錢自己去歐洲, 一定去唔到咁多地方! 雖然每個地方都唔可以留好耐, 但係我覺得可以看到咁多名勝古蹟, 其實已經好滿足!

伊家要想下...下一站...要去邊度呢?

藍天白雲加靚景

遊船河again

我好想住後面d 屋!!!

madonna, michael jackson 都住o既頂級酒店 --- 好似係amster hotel

好騎呢o既打扮....但係真係好鍾意呢對木屐!!!

芝士廠

羊o羊o羊

好多風車呀!

bye bye...肥得來有d 型仔o既italian司機哥哥! 多謝你呢兩星期載我地呢度去o個度去!