先祝大家心想事成,身體健康!
兩個禮拜無update啦!搞到呢度都無乜人氣,聽執!唉!睇來都係要寫番D費話振住先得!
新年!以前細個好恨新年,因為有利是豆,可以買鐘意既野,又可以玩餐飽,最重要係有節日氣氛!不過人愈大就愈唔鐘意過年。第一,原本plan定左要做既野又因為放假既關係停左落o黎,搞到之後D期逼死曬!同埋新年乜鬼都休息,好唔方便!仲有呀!新年去玩,根本就係玩緊平時玩緊既野,但價錢又貴左一,兩成!都唔知為乜!而且可能人大左,覺得D利是錢已經唔再咁有力量,唔係咁在意!仲要我好假咁對住D人講恭喜發財!有時我寧頸願豆少封!
不過新年都有新年好既!新年 - 新既一年,正所謂"一年之計在於春'舊既一年,一D胡塗既生活同日子希望可以跟住隻羊仔走啦!香港個事都好番D啦!我都望自己今年可以安安定定,與時並進!準確定立目標!發揮正能量,達致大成功!(娘爆!)
以前既野,雖然我仲末可以完全忘記,但我亦知道人係唔應該只望住後面,應該望住前面行,前面既路係點我唔知,我剩係知道係點我都要行,仲要依我的路向去行!