三種"鐘意"的程度

鐘意人~ 其實分開好几種~....

第一種會比較膚淺~..
佢係會有 d 情格特質, 例如外表或行為, 會吸引到你
如果一 group 人一齊, 你會特別留意佢
會搵多 d 機會同佢溝通~..
當你悶, 想搵人 hea o個陣, 呢種人好易會成為你o既首選
但你有心事, 喊... 你唔會諗起搵呢個人
你唔會好掛住佢, 換句話說, 佢o既o野, 你唔會太上心
佢o既缺點, 你唔會點計較~ ... 可能係因為你覺得唔多關你事
佢唔打比你或唔 icq 你~ 你都會冇乜所謂
你對佢o既認識, 只係好少好少~ 分分鐘連佢姓乜都未必知
但.. 你會知道佢每日做 d 乜~...
同 friend 傾計, 你會時不時提起佢~
但係你訓覺前諗起o個個一定唔係佢~
唔理你同佢有冇拖友, 你o地談話當中永遠唔會提到

第二種人會比較正常
通常你長期 keep 住同等一種人有 contact
好快佢都會變成第二種人
除o左一 d 好表面o既o野令你鐘意佢之外
你會發現o左好多佢o既優點, 係相處o個陣先知o既
除o左因為想搵人陪之外, 你係因為想見佢先同佢出街
有咩事發生, 開唔開心都好, 都會想打個電話話佢知
唔開心時, 你未必要佢幫你解決問題
而係想佢係你身邊, 或想聽到佢把聲
你會好掛住佢
當佢有一日冇打比你又或者 icq 冇 hi 你o個陣
你o既心情會跌落谷低~ 好想知道點解會咁
你除o左想知道佢每日做過 d 乜o野之外
更加想知佢同過咩人出街~!
佢o既缺點, 你未必知好多
而係你發現佢有新缺點時, 可能會有扣分o既感覺
同自己 d friends 傾計, 三句唔埋兩句都會係佢
當有特別事發生過之後, o個 d 回憶即刻刻係你個腦度!!
時不時都閃出o黎比你諗o下
呢種人, 你會對佢投其所好, 但唔會因為佢而改變自己
你好想被佢拖住~ 好想佢日日陪到你

第三種人會比較高層次
你鐘意佢, 唔會單靠外表及性格
你係鐘意佢個人!~~
即係話, 如果佢變o左個樣又好, cool o左又好
你都會鐘意佢, 因為~~ 鐘意~! 所以鐘意
一年三百六十五日, 你都會掛住佢
但你唔會係咁打電話搵佢或 icq 佢
因為只要你見到佢 online, 就已經好安心
如果見唔到佢 online~~.. 個人就會好亂, 勁諗點解
因為驚打電話會煩到佢, 所以有時都只係用 msn o黎問o下佢點
當收佢o既電話, 完全成個人 din o左!!
因為呢樣係自己冇 expect 到o既~
你同佢出街, 完全係因為想見佢~!~
出去睇戲或食飯, 只係藉口, 並唔係因為想做呢 d o野
除非真係唔開心得好緊要, 否則都唔想煩到佢~
係電話度係咁喊係咁喊, 就算佢唔出聲
都會好安心~ 因為 feel 到佢係我身邊
同佢出街, 好似真係乜o野煩惱都冇~~
因為我眼中o既世界就只有我同佢
你好想知佢每日點過, 但知道咁係好煩, 就唔會問~
佢咳兩聲, 你會擔心一日
佢望一望你, 個眼神你會一世都記住
你同佢講其它男仔, 唔代表你鐘意第二個
而係想佢知~ 你身邊有人la~ 暗示叫佢比 d 表示
佢o既缺點, 對我o黎講都係優點
佢o既優點, 係冇第二個人會有o架
你o地發現過o既事, 你十年後都會記得
對於呢種人, 你會因為佢而改為佢覺得你唔好o既地方
你想同佢拍拖, 係因為想一直陪住佢, 可以係佢身邊
就算佢冇時間陪o左你, 你都會諒解~!~
呢種人, 係你一抱住就呢一世都唔會放手!!!

我覺得第三種人..好岩一個人=.="
唉..