我今日坦白咁向校長承認了我的錯誤,出乎意料地,校長沒有鬧我,但我感覺到他黑面,點解係感覺,因為我驚到唔敢直面望佢呀,真係好驚好驚,我已經成為左驚弓之鳥,做任何事都好滕雞...覺得自己真係好可憐...都就黎三張嘢...都咁唔成熟....

我有個同事份人都幾好,好肯幫人,但係最近我對佢有少少反感,事源係佢好偏心,例如佢同某個同事熟,就算果個同事做錯嘢,佢都唔敢話佢,反而話其他人,如果佢同某個老師熟,佢又會幫人地做嘢多點,呢樣佢自己都認,我覺得佢咁樣好似好唔專業,對其他人好唔公平,雖然佢咁樣無乜直接影響到我(其實我暗啞底都幾惡死,佢試吓搞到我呀喇,我鬧爆佢呀),不過我睇住佢成日有少少欺凌一個好好好好的同事,真係有點於心不忍,雖然佢有時係開笑的性質,但係我覺得大家都係成年人,講笑係有個限度架,講笑同言語欺凌可以只是一絲之差....