都有一段時間無寫新聞台，唔知道點解近排無乜心情去寫．．．．．

再過多一日就係母親節，唔知道大家有無Plan左o的節目同媽咪慶祝下哩﹖有無預備左o的乜禮物呢﹖

其實上星期我已經同我媽咪預祝母親節，咁咪諗住帶佢出去食餐勁，點知道去到旺角創興，間「幸福樓」竟然話內部裝修，激死人，咁咪是是但但去左一間火鍋店去任飲任食，價錢係就係比較平，但結果當然係唔滿意啦。

是關本人係喜歡試些特別既食物，但好多時試完一次就唔鍾意食，咁這火鍋店(好似叫「富臨」定「德興」)係要一碟碟咁order，而普遍食物質素我會俾3分(滿分係10分)，我都未試過o的羊肉可以咁酥，故此食淨左好多野，最後當然要食埋o的難食既野，所以我都係鍾意自己出去buffet桌到帶食物，貴o的都無所謂，因為我可以控制份量嗎．．．．．

帶左媽咪去左間咁差既火鍋店真係令我過意唔去，所以這個星期我覺得我有責任再帶佢去食返o的佢喜歡食既野，好彩唔係正日母親節帶佢去食個間咁既火鍋，如果唔係就真係令佢有個難忘既母親節呀 ~ ~ ~ ~

祝所有母親天天都像母親節般過得快樂!

===============================================

戀愛最初回 (Kenny@Boy'z)
作曲 : Keevin Lai
填詞 : 林夕
編曲/監制: 周初晨

我試過對她講起以後志願
也約過她晚飯 可算是相戀
我試過提及到她時心會軟
要去到手拖手 差太遠

說我暗戀太肉麻 我愛那種感覺吧
與她都生疏了 為何仍會掛念她

初戀總錯過 友情歌說過 全是沒有結果
等不到我講所以離棄我 我是否想太多
初戀都錯過 我會否這樣傻 連自己都搞錯
今天先記得 常常來找我 是我不敢 還是她想愛我

據說每個初戀者也沒法睡
怕我太想體驗所以才想追
我笑過還未算感情的證據
我喊過心偏偏不覺碎

說我暗戀太肉麻 我愛那種感覺吧
與她都生疏了 為何仍會掛念她

P.S. 我前幾日先知道有首咁好聽既歌，林夕作既歌詞真係好正，不過唱者仍有待改進。