公司一年一度既身體檢查又黎啦，之前有幾批同事分別到診所抽血，事後有些同事話抽血痛，仲發現瘀左或針口痛足一星期，尤其以andes瘀得最勁，同我上次剝牙後既瘀傷有得揮，經我地私下調查，得出既結論係，抽血受傷既同事全為同一位姑娘所作，姑娘的特徵係：曲髮，年輕，塗指甲…

winnie比我早去抽血，我千叮萬觸叫佢若果是這位姑娘，一定要換人呀！點知六合彩都無咁中，幫佢抽血既姑娘真係有晒以上既特徵－曲髮，年輕，塗指甲…但礙於佢唔敢講要換人，唯有頂硬上，最後咪扁晒咀返黎同我呷囉，姑娘搵左好耐都搵唔到血管，最後幫佢抽右手…一星期後既今日佢仲話痛呀！

其實我好驚抽血（試過抽完血暈），眼見咁多同事既情況，無理由我仲要去做白老鼠嫁！所以當我去到診所登記完後，即刻同保險負責人講，我地想搵個有經驗既姑娘同我地抽血，最重要既係唔要擁有以上特徵既姑娘云云，負責人仲反問我地做咩咁遲至話俾佢知有呢個問題喎？佢話會同診所反映！

最後佢地真係搵左其他姑娘幫我地，抽血果part的確冇咩痛，不過事後針口都有幾吓戚住痛，返到公司一看，已經瘀左，唉，可能我易瘀啦，如果係以上特徵姑娘幫我抽，我都唔敢想像後果會點！