尋日OT完，再陪同事去買mon，返到屋企已經好攰，坐喺梳化食飯＋睇電視，家姐就坐喺另一邊食生果，原本都相安無事，突然家姐喺度搵野，跟住喺我隔離攞個電視搖控，但就楂唔穩，搖控跌左落地，當佢執起之際，用尾指既指甲刮我大脾，即時浮現一條紅痕(3cm)，佢仲要補充一句"又唔幫手！”

佢仲要大條道理話我無幫手搵。喂！由頭到尾佢都無話過俾我知佢要搵咩，咁佢最後都搵到啦，係佢自己整跌個搖控之嘛，都唔關我事，做咩要刮我發洩？至憎俾人屈，講到好似我唔啱咁，最後谷氣到連飯都唔食，最衰就係姐夫，叫我唔好咁興，唔好咁嬲，攪到我忍唔住，喊左出黎，果刻覺得好委屈...

好想好想一個人搬出黎住，好想佈置間屋，ｄ野想點放就點放，想做咩就做咩，我咁既性格，睇怕都係冇人頂得順我，所以一個人住就最啱我。

唉，都係得個諗字...