今朝照舊九點前返到公司，食緊麵包之際，電話突然响起，原來係亞head來電，佢話：

「Janice，求救呀，落好大雨，你攞遮落去鳳城茶餐廳俾我呀，呢度仲有其他同事，你攞多兩把遮呀。」

咁我梗係拿拿臨放低個麵包，攞左自己把遮，再係公司門口果度攞多兩把（共三把），就落去嘞，見到又唔係好大雨，去到鳳城，見唔到亞head，又見唔到公司同事，我再望多一陣，都見唔到人就估佢地應該走左，咁我咪返公司囉，突然間落狗屎咁，頂！本來我無濕嫁嘛，落到黎見唔到人不單止，仲要成個傻婆咁，一個人攞三把傘，攪到我幾核突呀。

點知係大堂見到亞head係升降機果度落返黎搵我，佢話同我傾完電話之後，突然細雨番，所以咪同kathy即刻行返公司囉，仲話估唔到我咁快，早知係地鐡站一早call我喎，最好笑既係仲問我食左早餐未，真係@#s$%a@#z%y！

聽到佢咁講，仲頂！原來得佢同kathy兩個人，咁之前又講到好多人咁，好心啦，叫得人落黎，就等人啦，佢話返到公司見唔到我，就落返黎搵我，咁啱又係樓下見到我。

對住佢，真係無野好講 ～