2006-06-24 00:26:29* J.T. *
YOHO Town
之前都聽講過小雲既男友同屋企人吵架，仲攪到離家出走，走左去小雲屋企暫住，但長遠計都唔係辦法，於是佢地終於的起心肝去睇樓，幾日前同小雲傾msn得知，佢同男友已經聯名買左樓啦，好替佢地開心呀，買左元朗既YOHO Town，2004年樓，又有會所，都係150萬左右，咪幾好！佢地終於有自己既屋企，好欣賞佢地對雙方既信任和堅持，雖然佢地遇到好多挫折，比在係我，會好容易將“放棄”掛在口邊，或會好氣餒，但佢地無囉，無論發生咩事，兩個人都好一致，唔會輕鬆放棄，呢種態度好值得學習，亦可以睇得出，佢地既感情有幾深厚！
YOHO Town除左地區比較遠之外，其中吸引之處就係會所，呢個水世界一睇就覺得好正，我諗點都好過ｄ公眾屎水池卦！
而呢個就係健美區，又可以keep fit，正呀！呢度又的確唔錯喎！小雲話大概七月底左右可以交吉，遲ｄ叫我上去玩，好呀，我最鍾意去朋友屋企，舒服好多呀嘛！見到佢地咁幸福同明朗化，不禁都會睇吓自己，咦？點解我好似原地踏步咁既？死啦～點算呀？