好得意呀！Anvy既BB女真係好得意呀，似足佢一樣，臉圓圓，眼仔碌碌，對鏡頭敏感度又高，表情多多，大有潛質做童星。

睇到BB既相至醒起原來我仲未去探Anvy同BB，等我搵日去至得。

我覺得做左媽咪既女性真係好偉大，正所謂「養兒一百歲，長憂九十九」，湊小朋友真係要俾好多心機，心血都少幾斤。

好似尋晚咁，姨甥女流鼻血，真係俾佢嚇親，ｄ鼻血係咁湧出黎，睇住張紙巾由白色染為紅色，都唔好話唔驚！流左好耐至止到血。我地咩方法都出盡，放張濕紙巾在額頭處，若左鼻流鼻血，就用線綁在其右手無名指上繞三圈，這是同事鄉下代代相傳既止鼻血的方法。家姐不停咁按佢既鼻樑位，但我就唔識按。

最後止左血後，姨甥女覺得全身好凍，仲面青青tim，可能係流得太多鼻血既綠故。

依家唔同以前，唔可以咩都唔諗就生個小朋友出黎，少ｄ責任心都唔得，喺呢個社會，唔生可能仲好過生！

仍然覺得，媽媽們，好偉大啊！