上星期成日落雨，星期五天文台終於係上午11時15分發出黑雨警告信號，我同winnie講笑咁話要快ｄ返屋企，咁啱老頂經過聽到，就話要留喺安全既地方，其實呢句係藉口，就算落狗屎，公司都唔會放人呢句至係理由；佢講得咁正義，咁放工果陣仲係黑雨既話就唔好走呀！

Lunch time果陣，有一位SA問我留定走？我都唔明佢講咩，咁佢就話原來行政部發左電郵俾每個dept., head，內容大致話因為黑雨既關係，部門主管可以安排住得遠既同事先行離開公司，而其他人則可以選擇離開或留低...當時因食飯時間，可能老頂未看到這個電郵，心諗佢可能一陣都會通知我地啩。

直至1:30pm，老頂都返左黎，但佢無跡象想通知我地，就係咁，到2:00pm幾，黑雨都變番黃雨，雖然都無同事走，但仍有點不忿，因為老頂無通知過我地公司有呢個安排...

3:00pm左右，SA同事又話俾我知，行政再sent左email出黎，內容又大致話雖然黑雨取消左，但天氣仍然不穩，故此dept head可以安排同事在四點至五點左右提前走...而老頂亦無通知我地，我認為走唔走係自己決定，既然公司亦批準，就算我走亦好合理，更何況我未必會選擇走呢！

老頂真係好唔啱，佢無將呢個消息通知我地，意味著佢個人認為我地無需要提前走，佢係我地邊個呢？佢又憑咩幫我地決定呢？佢又唔係出糧俾我地果個！真係俾佢吹脹！正一係「黑雨巫婆」！佢真係好差！

佢作為上司，做到咁，真係要重新估計吓佢，呢ｄ咁既消息，佢應該會知道就算佢唔同我地講，亦會有人同我地講啦，全公司每個部門老頂a都有通知員工，淨係我地兩個無，比在係你，你又會點呀！！