好開心啊，一大清早，KY就用內線第一個通知我，佢榮升老豆啦。比預產期早二個星期有多，星期一晚穿羊水，星期二早上就順產生左(25/Apil)，過程十分順利，六磅幾，見到佢既喜悅，都好替佢開心，佢同囝囝仲喺同月生日tim...

講開KY，個人認為佢變左好多，係好既轉變；婚前既他只是一位不能再普通既男人，婚後既他...怎說呢，由外觀至感覺都改變了，談吐都改善了...很難形容啊！

猶記得，上次他講起腹大便便既太太”走路仍是那麼輕盈，也不是太胖，口味也沒有改變，心情仍舊開朗..."以及計劃一至兩年後生多個女，組成一個好字，亦打算為了方便小孩日後選擇學校，可能會遷往港島區住，以及中學時打算供小孩往外國讀書...

今日，KY憶述說太太生產後既健康：「當佢生完後，醫生幫佢聯針既時候都唔覺痛，因為最痛既時候已經過左...佢都幾勇敢嫁喎！」

好喜歡他這份懂得欣賞伴侶既態度，更難得既係他會在其他人前面誇讚自己既另一半！婚後既他，除左感覺外，仲睇到佢既幸福...好羡慕啊！