尋日放工搭地鐡，見到一個男人揹住個背包，但拉鍊打開左，仲睇到晒裏面ｄ野，繁忙時間人山人海，出奇地無人同佢講，大家見到後，都儘量避免行佢後面，雖然佢企係我附近，但都好難開口，由灣仔去到金鐘轉車，他行在我前方，我原打算走前幾步同佢講，但無奈太多人，沿途亦無人理，原本亦諗住由得佢...最後我跟住佢入左同一架車廂，跟住我就同佢講：「先生，你個袋拉鍊開左。」...

今日與同事講起呢件事，點知佢話上次係地鐡都見一個男人個袋無拉拉鍊，不過佢就無理，亦無諗過要理...

見到呢d人，我會諗當自己咁大朦唔記得拉埋個袋拉鍊，行左一段路，至發現時，都會感到狠狽，又驚唔見野，若果沿途有人提點一下，都係好事。

Touch wood咁講句，若果大家見到唔小心既我時，記得提點我呀，小妹子感激萬分！