自從剝完牙後，發現左一個後遺症，就係咀角至下巴位好痛，講野同笑都痛，跟住條頸左轉都痛埋，好似扭親咁，咁啱我去睇中醫，同大夫講開呢個情況，大夫仲問我係唔係塗左藥油，因為黃左一撻，我咪話無囉，呢幾日開始變左黃色，仲越黎越深色，又越黎越痛，唔講野都痛…

大夫望左兩眼，就話係瘀血聚積，只需幫我施兩針（針灸）便無事…睇電視劇大長今就睇得多，但就未試過，因為太痛既緣故，都接受左大夫既建議，望住大夫攞住兩支又長又幼既針向住我手背拮時，真係驚到好似焗桑拿咁濕晒。

哈哈，果然，大夫無講錯喎，又真係唔痛，只係好痺，真係好痺，過左一分鐘左右，條頸真係鬆左，無之前咁緊，ｄ黃仲慢慢退左，直至今日，已經無乜點痛啦，針灸果然勁呀。

朋友仲話係牙醫醫生既手勢唔好，至攪成咁，但我就唔敢評論，因為今次係第一次，都無得比較，點都好，之後我都仲要繼續剝牙，到時又要再煩過。