本來打算去時代倒數，但因為我同媽媽返左鄉下，返到屋企都差唔多九點，果時銅鑼灣都封晒路，唉！唯有去奧海城啦，食完飯後十一點幾至去到奧海城，點知都係咁多人，連個台都見唔到，只係迫左係台既後面，我地咩都睇唔到，又聽唔到，若前面班人係度叫，我地會跟住一齊歡呼，好興奮。

好多都係成家人一齊黎倒數，好溫馨，差唔到十二點既時候，我地就係度等，終於聽到前面班人大叫「十，九…」咁我地就一齊叫「八，七，六，五，四，三，二，一」YEAH，Happy New Year，仲有烟花tim！跟住不消三分鐘，大家就轉身慢慢離開啦，真係好多人，我都忍唔住影低ｄ人潮情況。

其實我真係好想去時代倒數架，次次都係咁，都係條街度倒數，咩都睇唔到，下次啦，我下年要去時代倒數！補充一句，sorry呀，TT，令到你都無得去時代，下年啦，寄望下年～