頭先放工搭巴士，喺過左西隧後，司機停左車，跟住同全車講：「呢架車唔開嫁啦，邊個話要報警呀？落黎啦！」跟住就有一男一女由上層落黎，個男人係著西裝，正一係販類，額頭仲寫住“咸虫”兩個字，不知所謂．因為要等警察黎，所以架車要喺度等◦

估唔到，竟然俾我聽到一ｄ唔係人講既說話◦
「嘩，咩事停車報警呀？咩呀？有人俾人非禮？」
「咁佢兩個人攪到車成人都無得走，不如叫佢兩個落車傾啦」
「係囉，一係叫司機車去警局啦，係咁等都唔係辦法喎」
「究竟個男人點非禮佢呀，如果唔係好嚴重既咪打個男人兩巴，踢埋佢落車咪算囉，駛咩報警呀」
「…」

呢句真係好過份，就係有呢班咁既人，香港先至會咁亂，我相信事出必有因◦作為女性，能夠企出黎拉佢已經好有勇氣◦

我之前都遇過呢ｄ咸濕佬，通常我會當佢第一次係唔小心，再有第二次就以牙還牙◦試過有次係巴士上，有個男人落車既時候，特登用佢手肘碰我，我本能地用手檔同後退囉，跟住我追住佢既鞋黎踩，佢頭都唔敢回咁走落車，諗返起佢個狼狽樣都好好笑~