2005-11-24 14:50:03* J.T. *
治飛滋的方法
大概係前日既時候，生左粒飛滋，我見仲係好細粒，咪唔用飛滋膏，試用email流傳治飛滋既方法，就係食林杮，食左一個之後又好似無咁痛，跟住又忍唔到口食左少少栗一燒，再食雪條…就係咁第二朝就出事啦，飛滋大左同痛左，放工返到屋企後，拿拿聲再食多個林杮，點知飛滋個度仲腫左tim，為左止痛，唯有食多條雪條，跟住個頭劇痛，連喉嚨都痛埋…一定係飛滋累事。
我即刻call家姐叫佢買龜令膏返黎，再用飛滋膏，今朝至好番少少，但仍然好痛，睇黎我要戒吓口先得，如果再係咁嚴重落去，就要去睇醫生。
咁究竟林杮係咪可以治飛滋呢？