2005-09-08 18:10:28* J.T. *
無良上司
前排公司炒左一位駐大陸既香港同事，仲差一個月就三年，點知公司係無原因之下炒佢，只係補左一個月，問過勞工處都話補少左，咁呢位同事梗係打電話俾香港行政部問啦，點知果位無良經理同下屬講「如果佢打電話黎問你地，你就話你無係呢間公司做，咩都唔知，話幫佢唔到就得…」
其實駛咩同佢地講咁多呀，我地都建議佢透過勞工處向公司追討，公司之前都有前科，點講都好，高層咁既做法，真係好過份。
前幾日先收到風，又話公司打算再縮減人手，如果公司肯依足勞工處咁賠足，大家都會好開心，只怕公司用埋ｄ下等手段趕同事走…
點都好，暫時都未殺到我呢個部門，所以我都唔需要担心住，一於靜觀其變。