真係好唔明白呢個安排。好想有一個明確指示話俾我知，我應該點做，我究竟可以做到ｄ咩？

近排ｄ事接二連三咁發生，好煩，我又幫唔到咩忙，覺得好心噏…好似外公咁，應該叫做癱左，又講唔到野，醫生都唔識點醫都算，仲夠胆同我地建議幫佢打針，等佢去快ｄ（咁都講得出，正一係人渣），每隔一，二日就幫外公抽血，照肺，打營養針，佢都咁大年紀，駛唔駛抽得咁密，佢依家都皮包骨喇，邊有咁多血抽呀！唔俾佢地抽，又話要我地簽字，又話要趕外公出院，又話唔可以係度咩都唔做…媽媽喺果度就好似孤軍作戰一樣，佢都瘦左成個碼…

佢只不過係兩歲既小朋友，點解會有呢種病，仲要係醫生都未知既成因…個肝缺乏免疫力，就算打任何預防針亦未能吸收（最幣既係醫生也未遇過此病例）依家仲check出有血壓高….點解會咁gai？

仲有更多既問題…我都唔知點講…究竟呢ｄ安排係咩意思呢？我真係唔明，好唔明呀～

p.s.圖中喺上次在鄉下摘黃皮時，見到有一隻蜘蛛，我特登影架，不過呢隻蜘蛛既下場都係逃不過...