尋晚放工返到屋企附近，諗住去惠康買現成既餸，點知係惠康門口有一班人（約七，八個男女）佢地係度攞住ｄ紙同筆，不斷係度搵目標，當我一甫入商場，已有兩，三個人向我方向走過來，我梗係避免同佢地正面交鋒啦，但仍逃不過一位小姐，佢走過來時，我立即微笑，搖頭兼加快腳步走入惠康，她也不甘示弱，馬上開口問：「小姐，你讀緊書定做緊野？」當然我沒有理她，一樣搖頭兼再行快兩步，她再說：「唔好咁啦～」…跟住她沒有追來，雖然不知他們是想sales野還是做問卷，但我也不想浪費時間…

想到她問我讀緊書定做野，覺得好好笑又幾開心，不其然係惠康越買越多野tim…哈哈….

之後同朋友講番，佢話單憑人地一句說話就咁開心，話我係無知婦孺。

唉，佢有所不知，當你唔再係十八，二十二既時候，仲有人咁同你講，唔多唔少都有ｄ開心架…..