講返最近發生嘅事先~

首先講吓某星期六同d朋友上咗樓上cafe占塔羅牌，基本上又唔可以話好準，但又唔可以話唔準囉，都ok嘅~ But我點樣係三個月內擴濶我嘅生活圈子呢? 擴濶生活圈子先至有豔遇，我都識講喇~ 不過我覺得我哋幾個齊齊去占卜有d搞笑~ 下次不如去黃大仙求籤，應該都會幾得意!!!

星期五出門時返工收到豬嘜嘅message，叫我夜晚去食糖水。點知個晚要開OT，放工返到大埔都成點幾啦(星期六凌晨)，咁夜都唔知佢哋會唔會等我，不過既然話會等我咪無所謂囉。結果唔係去食糖水，而係落咗bar (好彩冇話畀阿媽知，佢到依家都以為我開OT，仲未知我落咗bar，唔係我就死梗，更好彩的是當我返屋企時阿媽已經瞓咗，如果唔係我一開口實知我飲咗酒)。

一係唔搵我，一搵我就叫我落bar，真係有d搞笑~

見返小學同學仔，覺得好開心，小學畢業都十幾年冇見，可以講返小學時嘅事，令人好懷念~ 應該多d聚吓，搞番個mini小學同學會~

基本上仲有聯絡嘅小學同學，用5隻手指都數得到，反而中學個班friend仲可以keep到，隔冇耐又見面。

就快又生日，我大個女喇!!!