記得中五考完會考，暑假悠長，就去圖書館睇吓有乜書好睇。咁就俾我搵到──就係Ann M. Martin 所寫嘅 The Babysitters’ Club 系列。一睇之下欲罷不能，仲有就係猛追同一個系列的習慣。

通常睇啱一個作者，就會好想睇吓佢仲有冇寫其他書。有就照追。不過通常圖書館都唔會有齊整個小說系列。

The Babysitters’ Club 講幾個12、3歲嘅美國女仔，平常做開臨時保母，咪索性組個club 接多d生意，有系統d，而d家長就唔駛周圍打電話搵人湊仔。依家打一個電話就得。

我哋香港就唔興babysitter，唔係自己湊返，就有菲傭湊。所以當初睇尼個系列，都覺得d外國人幾大膽，敢請d醩仔醩妹湊仔。香港d醩仔醩妹，邊度會湊仔呀!

另外Ann M. Martin 仲同佢好朋友兼作家 Paula Danziger 一齊寫咗本小說，P.S. Longer Letter Later，講述兩個女仔，因為其中一人搬家，因此以書信維繫友誼。仲有續集 Snail Mail No More。