大家知唔知L.M.Montgomery係邊個?
有冇聽過或睇過《清秀佳人》先?
咁卡通片《紅髮安妮》有睇過了吧!

《清秀佳人》咪就係《Anne of Green Gables》囉!
大陸居然譯做《綠山牆上的安妮》，笑爆!!!

Montgomery寫咗一套以安妮(Anne)為主的小說，由小孤女安妮細細個被兩兄妹收養寫到大個仲結婚生仔。本來兩兄妹打算收養一個男仔，幫手耕田，點知就嚟咗個女仔(安妮)，哥哥見安妮活潑可愛，吱吱喳喳，不忍心送安妮返去，因此就決定收養安妮。

另一套小說以Emily為主，不過我仲未睇。

大部分小說背景都係愛德華王子島(加拿大)，皆因作者Montgomery 住在那兒呀~

特別推介：《The Story Girl》，女主角 the Story Girl同安妮一樣吱吱喳喳又鍾意講古仔。你問我點解個女仔叫 the Story Girl? 唔通佢冇名?
NO,no,no. 皆因有個女仔同佢個名一樣，都叫 Sara，d小朋友為免叫錯人咪咁叫，況且 the Story Girl講古仔有一手。久而久之大家都叫佢 the Story Girl(大人除外)。

Montgomery 寫少女故事真有一手，個人認為佢同 Louisa May Alcott 絕對有得揮，雖然她們屬於不同時代，但係女仔由古今中外都分別不大。哈哈~

下次介紹 Louisa May Alcott~