好多人都問我點解會做左DJ… 其實都好慚愧, 因為我只係對住個咪/電話吹下水, 實在係同DJ呢樣野差太遠了, 又冇技術可言…

我喜歡一邊工作/溫習, 一邊聽歌. 2002年呢個時間, 我在學校工作既時候, 就會聽歌. 我上網睇下有冇d咩電台咁, 就比我搵到 “五餅二魚” 電台. 聽落又覺得好好笑, 又有好歌聽, 咁就成為佢地既fans. 我聽休息室既時候, 有時就係office係無聲狂笑, 都幾辛苦, 因為實在太好笑. 今年年中電台招募DJ, 本來我冇諗住報的, 但係老占話試下冇壞, 咁咪試囉. 過左佢地兩關之後就成為 ‘五餅二魚’ 的一份子!!

剛開始做節目時都好驚, 好緊張架… 如果聽返就知… 不過老占有好厲害的口才, 無論我講得幾差佢都會打完場的!!

係當中學到好多野, 同時還有好多要學習的地方. 請多多指教!