2004-11-19 14:11:01珍妮花
南航打飯史(一)
打飯基本上係拎住一個碗(兜), 先去買白飯, 再去買熟食. 白飯唔係叫白飯, 係叫米飯(哥d飯根本唔係白色!!). 有d人仲話食到沙粒, 昆蟲之類, 我就未試過. 當地係食大米既, 即係好似d日本米咁, 又肥又短, 不過都幾好食. 買飯係一個counter, 行到埋去, 個sell士後面有一大桶飯, 佢就拎住一個長柄湯'學', 佢前面有個電子磅. 通常我地會話"3毛", 因為三亳子既飯就夠. 咁佢會'不'一舊飯去稱下, 通常佢地手勢都好好, 差唔多就係你想要既. 男仔會買4毛, 5毛, 甚至7毛既飯. 我地女仔有時都會過份到買2毛... 而家出去食飯, 起碼都要5蚊一碗, 仲少過哥時既3亳子飯...