今朝無無聊聊係度搵衫洗頭沖涼, 突然腦裡面閃左個好強烈的問題出黎. 女人三十究竟係一枝花定係...

女人三十後生咩, 又唔係喎, 點同人地十八廿二比, 但係話老咩, 你有幾老呀．　人地五六十歲就話退休0者, 你三十歲想退休, 唔係嘛...

係啦!　係啦！就係咁啦！　咪係囉，　如果三十歲家陣先無左份工，　你話我點死，　真係唔知點死，　退休又話你後生得濟，　但係重頭開始咩，　人地會問”阿姐，　你今年幾大呀．　家下先去學野，　係都搵d青春少艾啦，　駛鬼搵你咩，　咁老你重記唔記得架．　都係番屋企等消息啦."　

唉! 一下子真係好灰，　原來我真係咩野技能都無架，　原來我無左呢份工，　我就會變左癈人，　原來我係呢度做左咁多年都係浪費時間架．　咁．．．咁點算? 繼續係度浪費時間? 等運到可以捱到退休或者嫁個好老公．　定係家下臨老先黎搵野學呢? 究竟我又可以學d咩呢? 好多問題，　好多問號，　一時間我先發現我無咩主意，　原來我可以一d居安思危的感覺都無，　Oh~ My God~