「我再也不會這樣愛一個人了。」

好悶呀, 好悶呀... 今日番工真係好悶, 呢排都唔係好多野做, 但係平日就扮晒勤力去讀日文, 又或者係網上讀下d programme, 雖然睇左都係等於無, 但係至少心理上會安慰自己, 覺得自己係讀左d野, 我真係好懶呀~~~~~~

好悶呀, 好悶呀, 我走去搵左個bookmark, 見到個失戀雜誌網頁, 好耐無入過黎, 於是走左黎先發現網址換左. 版面都轉埋, 突然見到「我再也不會這樣愛一個人了。」的topic. 好~ 咁耐無寫文, 等我又作下文先.

「我再也不會這樣愛一個人了。」每次戀愛失敗後, 人就會同自己講. 唔可以再好似以前咁, 唔可以再係咁去愛一個人,但係當戀愛發生後. 人又會重稻覆轍(中文差呀, 個"稻"字點寫架?).

唔好話人, 自己都會係, 一愛就愛得瘋狂, 有時有d野係自己都control唔到自己, 如果你係愛一個人你係點都唔會control到自己, 你control到的話就等於你未投入. 或者可以講愛情係盲目的, 作為一個感情用事的人, 我諗我的理智點都鬥唔過我的感情/感覺.

雖然失戀後會後悔, 什至有人會發誓以後都唔咁樣, 其實愛情係好主觀, 好自我, 你想點咪點囉, 點解要壓抑住自己放幾多情感係每一段戀情上呢? 愛得咁辛苦, 不如唔好愛.

早排睇左張曼玉的訪問, 我一直都好欣賞Maggie, 其實娛樂界裡面, 我最欣賞女星暫時只有Maggie同楊采妮. 我記得當日訪問左Maggie, 問佢覺得自己離左婚係咪就等於一個愛情失敗者? 我好同意Maggie所講, 佢話一段感情的最終結果唔等於一段感情的勝負. 佢係婚姻失敗, 但係係呢段婚姻當中, 佢開心過同有好多回憶, 呢d足以令佢覺得佢呢一仗係贏0既.

雖然我無拍過拖, 無咩勝負可言, 但係0係我生命中出現過的男生, 每一個都比到唔少回憶我. 或者你話我係一個感情的失敗者, 到今時今日重係孤家寡人. 但係我從來都唔覺得自己失敗. 至少回憶就係回憶, 雖然每一個人都留唔到係我身邊, 但係回憶永遠都會陪住我.