其實我無諗過要逃避Phoebe的問題, 只不過每一個人都唔一樣, 你唔好要求別人好似你咁. 正所謂人比人比死人, 世上係無兩個自己0既, 每個人都總係有d唔同.

其實planning將來呢個問題, 有人會由天決定, 有人會自己決定自己走咩路, 其實plan唔plan對我而言都無所謂. 因為你plan左亦都未必等於你將來一定會係咁行, 因為呢個只係一個plan, 一個計劃, 不過你有planning或者你會更清楚明確自己應該走一條咩的路, 但係一個人如果樣樣野都受住限制, 會唔會好辛苦呢?

所以我自己唔會好plan自己的將來, 因為雖說努力很重要, 但我亦都信命, 信運氣, 你無左運氣, 你點努力都未必有好好的回報, 我只能說一句Phoebe係一個幸運的人, 佢plan的野往往比預期更好, 其實咁樣係咪代表佢成功? 對我而言, 我或者會話, 人未走到最後一步都唔會知道自己究竟係成功定失敗.

今日突然發覺自己原來很悲觀, 對將來我無咩期望, 只求有份安定的工, 有朋友, 至少一家人唔駛為生計而煩, 但係要走得更好,我唔敢諗. 其實我一直比Phoebe話我係一個無planning的, 對自己將來唔清析, 我只可以係呢個moment話比大家知, 亦都話比自己知, 我未ready, 我未ready去諗咁多野, 或者你會話三十幾歲人重未ready. 每個人的起步點都唔一樣, 有人廿歲出頭己經係公司的總裁, 有人六七十歲先大學畢業, 咁究竟係咪廿歲0個個人就係成功呢? 咁六七十歲先大學畢業係咪覺得佢地浪費時間呢?

其實我的睇法係咁. 人無論點樂觀, 點悲觀, 有plan無plan都好, 首先你一定要愛自己, 留住自己的命仔, 再好好待自己, 咁樣有健康的身體, 你真係六七十歲畢業都未為晚也.

今日雖然同Phoebe argue左好耐, 對我而言, 大家係好朋友, argue完又無野. 但係我唔知佢點睇, 至於我對佢的睇法, 我只能一句"佢係好幸運的一個", 讀書成績好, 有哥哥家姐家人錫, 年紀輕輕己經決定結婚, 而且更同我講在不久將來會創業, 對於一個廿四歲的女仔黎講, 佢真係比起好多人幸運兼幸福. 但係佢的路係咪就要我去跟呢? 我都係個句, 我三十歲人未拍拖都唔係咩問題, 最重要係生活得開心, 沒白過, 或者有人覺得無愛情的生活係枯燥. 但係請大家細想, 人一生唔係得愛情, 你重有友情, 親情, 如果只放眼係愛情未免係太過膚淺了...

呢排自己心情怪怪的, 有點悲觀, 同左好多人傾計, 好多時得罪好多人, 但係係朋友的請多多原諒~ 係呢一刻我覺得我一直係度改變我的做人態度. 不過如果一日我完全改變, 咁再搵唔番原來的我, 大家又會唔會覺得唔習慣呢?