2005-08-25 11:08:31藍淑貞
長榮之聲【台語觸喙鼓】25
FM88.3 STAR RADIO長榮之聲25【台語觸喙鼓】
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「「蓬萊海上一仙島，山青水秀人呵咾，卜食卜穿免驚無，愛唱山歌來相褒。」各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
本來即禮拜卜講矮烏人的故事，因為最近逐家對「台客」即個詞引起真大的爭論，所以即禮拜閣來討論「台客」。
再談「台客」
我佇三月初二捌寫過一篇「台客」，佇FM88.3 STAR RADIO長榮之聲1【台語觸喙鼓】的時間佮主持人淑蓉討論過，後來發表佇海翁台語文學雜誌，是針對當時的媒體嚴重污衊台灣人所創作的新名詞－「台客」所發出的抗議。最近，「台客」即個詞，因為有一寡仔媒體，批評台灣小姐的選舉，有真厚的「台灣味」講伊是「台妹」；閣有媒體繼續批評選出來的台灣小姐所講的台灣國語，是不是應該愛去「矯正發音」？後來五百、豬頭皮等本土藝人，掛甲金閃閃，穿甲奇奇怪怪，講伊就是「台客」，來肯定「台客」，講「我就是台客」，無汝是卜按怎？顛覆「台客」予人的印象。
不過，遮的藝人，對台灣文化實在無了解，才會承認家己是「俗閣有力」的台客。其實台灣人絕對不是「穿金戴銀」，也不是「俗閣有力」，閣卡不是食檳榔、 曉穿插的族群，真正的台灣人是「勤儉、拍拼、有堅持」的。三四百年前，咱的祖先，冒著「六死、三留、一回頭」的危險，拼過「烏水溝」，來到台灣，一步一跤印，勤儉拍拼，不認輸，不驚艱苦，才會當佇即塊土地釘根生湠，成做台灣的主人，所以台灣人佇台灣是「主人」不是「客」。就算講伊是外國人，伊若愛台灣，肯為台灣付出，拍算卜永久佮台灣做伙拍拼，伊猶原是台灣的主人不是「客」。
若按爾，啥乜是「客」？有一寡仔人，雖然喙食的是台灣的米，跤踏的是台灣的地，頭戴的是台灣的天，就是不肯跤踏實地，一日到暗想卜移民去國外，囡仔自細漢就送去國外讀冊，準備後擺會當隨時去滯外國，所以想盡辦法，佇台灣挖錢，將台灣錢送出國外（包括中國）；有的人，為著家己的利益，無關心國家的前途，無珍惜即塊土地的資源，橫直錢趁趁咧，隨時會當鞋仔敲（kha3）敲咧，有錢卜去佗位就會當去佗位，像即款抱著過客心態的人才是「客」。
媒體批評台灣小姐所講的「台灣國語」，是不是應該愛去「矯正發音」？這完全徛佇大中國的心態咧批評。台灣人講台語本來就是「天經地義」，真自然的代誌，照理講，不是台語（包括客語、原住民語）族群的人，來到台灣，應該愛綴阮學講台語才對，即碼叫阮遮的天生無捲舌音（ㄓ、ㄔ、ㄕ、ㄖ）、無尖喙音（ㄩ）、無輕唇音（ㄈ）的台語族群去講愛捲舌閣尖喙的「台灣國語」本來就是真勉強，也是真殘忍的代誌。我有一位教官同事，退休以後，因為學唱台語歌，漸漸會曉講粗淺的台語，雖然伊的歌聲真好聽，不過聽佇台語人的耳內，有時會忍 稠去共伊糾正，伊煞喝「好累喔！」共款，叫台語人去講華語，阮嘛是「好累喔！」阮遮的台語人，聽「台灣國語」聽著真順，若聽迄號標準的北京語顛倒聽著真礙虐。
唯電視，我聽過第一名台灣小姐的講話，伊是台南人，保有南台灣人純樸的氣質，就像厝邊隔壁的查某囡仔共款，有一點訥圇（bah4 lng1），若卜上大場面，可能愛經過訓練，就親像一塊「樸玉」共款，需要經過精心的雕刻，才會成做一塊真嫷的好玉，若講一定愛講標準的「北京語」，照我看乎，就無需要矣！
2005.8.23
二、今旦日介紹的姓是
1.帥化民的「帥」，華語讀做「ㄕㄨㄞˋ」，台語讀做「sue3」。
2.尹清楓的「尹」，華語讀做「一ㄣˇ」，台語讀做「un2」
3.複習頂禮拜：前國大代表穆閩珠的「穆」，華語讀做「ㄇㄨˋ」，台語音「bok8」。
前環保署長郝龍斌的「郝」，華語讀做「ㄏㄠˇ」，台語音「hok4」。
三、台灣諺語、俗語：
雞母屎—半烏白
雞母放的屎往往會半烏半白，就有人借著雞母屎半烏白來形容一個人講話濫（lam7）兩種語言。
日據時代，有一寡仔台灣人，為著表示伊捌日語，佮日本人有交陪，講話愛濫一兩句仔日語，來提高伊的身份地位（迄當時叫做「國語」），老一輩的人聽 慣勢，就用即句雞母屎—半烏白，來剾洗遐的台灣走狗。後來用來形容「日語」「台語」濫濫做伙講的人。
即碼的台灣人，因為天生無捲舌音、無尖喙音，雖然長期受「華語」的教育，華語嘛一直講 標準，煞來「予人」恥笑講咱無水準，講咱是「台客」。歸氣咱將台語講予順，講予嫷，做一個真真正正的台灣人，而且請遐的華語族群，全部來學講台語，閣規定 停講華語一段時間，體會台語族群學華語的心情佮痛苦，我想遐的華語族群，一定不敢閣笑咱「台客」矣。
台灣人的肚量實在真大，華語族群學講台語無標準，咱攏會當包容。有一擺，我接受高雄警廣岳玲的訪問，岳玲小姐真客氣，一直講伊台語講 輪轉，有聽眾就敲電話入來叫岳玲台語毋通學傷好，
伊愛聽伊迄種無標準的台語；以前，氣象主報李富城佇民視用台語報氣象，我嘛敢覺真好聽，閣真佩服伊學講台語的精神。是按怎歸喙「北京話」的人， 當用即種欣賞的態度來看待學講華語的族群？
台灣的鄉親啊！「華語」佇台灣只不過是一個溝通的工具爾，講 標準無要緊，嘛是應該的啊！汝若是「華語」佮「台語」濫濫做伙講，嘛是算雞母屎—半烏白喔！
四、台灣歌詩、歌謠：
播放「永遠的翁婿」 藍淑貞詞 林慧哲曲 江玫慧唱
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「「蓬萊海上一仙島，山青水秀人呵咾，卜食卜穿免驚無，愛唱山歌來相褒。」各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
本來即禮拜卜講矮烏人的故事，因為最近逐家對「台客」即個詞引起真大的爭論，所以即禮拜閣來討論「台客」。
再談「台客」
我佇三月初二捌寫過一篇「台客」，佇FM88.3 STAR RADIO長榮之聲1【台語觸喙鼓】的時間佮主持人淑蓉討論過，後來發表佇海翁台語文學雜誌，是針對當時的媒體嚴重污衊台灣人所創作的新名詞－「台客」所發出的抗議。最近，「台客」即個詞，因為有一寡仔媒體，批評台灣小姐的選舉，有真厚的「台灣味」講伊是「台妹」；閣有媒體繼續批評選出來的台灣小姐所講的台灣國語，是不是應該愛去「矯正發音」？後來五百、豬頭皮等本土藝人，掛甲金閃閃，穿甲奇奇怪怪，講伊就是「台客」，來肯定「台客」，講「我就是台客」，無汝是卜按怎？顛覆「台客」予人的印象。
不過，遮的藝人，對台灣文化實在無了解，才會承認家己是「俗閣有力」的台客。其實台灣人絕對不是「穿金戴銀」，也不是「俗閣有力」，閣卡不是食檳榔、 曉穿插的族群，真正的台灣人是「勤儉、拍拼、有堅持」的。三四百年前，咱的祖先，冒著「六死、三留、一回頭」的危險，拼過「烏水溝」，來到台灣，一步一跤印，勤儉拍拼，不認輸，不驚艱苦，才會當佇即塊土地釘根生湠，成做台灣的主人，所以台灣人佇台灣是「主人」不是「客」。就算講伊是外國人，伊若愛台灣，肯為台灣付出，拍算卜永久佮台灣做伙拍拼，伊猶原是台灣的主人不是「客」。
若按爾，啥乜是「客」？有一寡仔人，雖然喙食的是台灣的米，跤踏的是台灣的地，頭戴的是台灣的天，就是不肯跤踏實地，一日到暗想卜移民去國外，囡仔自細漢就送去國外讀冊，準備後擺會當隨時去滯外國，所以想盡辦法，佇台灣挖錢，將台灣錢送出國外（包括中國）；有的人，為著家己的利益，無關心國家的前途，無珍惜即塊土地的資源，橫直錢趁趁咧，隨時會當鞋仔敲（kha3）敲咧，有錢卜去佗位就會當去佗位，像即款抱著過客心態的人才是「客」。
媒體批評台灣小姐所講的「台灣國語」，是不是應該愛去「矯正發音」？這完全徛佇大中國的心態咧批評。台灣人講台語本來就是「天經地義」，真自然的代誌，照理講，不是台語（包括客語、原住民語）族群的人，來到台灣，應該愛綴阮學講台語才對，即碼叫阮遮的天生無捲舌音（ㄓ、ㄔ、ㄕ、ㄖ）、無尖喙音（ㄩ）、無輕唇音（ㄈ）的台語族群去講愛捲舌閣尖喙的「台灣國語」本來就是真勉強，也是真殘忍的代誌。我有一位教官同事，退休以後，因為學唱台語歌，漸漸會曉講粗淺的台語，雖然伊的歌聲真好聽，不過聽佇台語人的耳內，有時會忍 稠去共伊糾正，伊煞喝「好累喔！」共款，叫台語人去講華語，阮嘛是「好累喔！」阮遮的台語人，聽「台灣國語」聽著真順，若聽迄號標準的北京語顛倒聽著真礙虐。
唯電視，我聽過第一名台灣小姐的講話，伊是台南人，保有南台灣人純樸的氣質，就像厝邊隔壁的查某囡仔共款，有一點訥圇（bah4 lng1），若卜上大場面，可能愛經過訓練，就親像一塊「樸玉」共款，需要經過精心的雕刻，才會成做一塊真嫷的好玉，若講一定愛講標準的「北京語」，照我看乎，就無需要矣！
2005.8.23
二、今旦日介紹的姓是
1.帥化民的「帥」，華語讀做「ㄕㄨㄞˋ」，台語讀做「sue3」。
2.尹清楓的「尹」，華語讀做「一ㄣˇ」，台語讀做「un2」
3.複習頂禮拜：前國大代表穆閩珠的「穆」，華語讀做「ㄇㄨˋ」，台語音「bok8」。
前環保署長郝龍斌的「郝」，華語讀做「ㄏㄠˇ」，台語音「hok4」。
三、台灣諺語、俗語：
雞母屎—半烏白
雞母放的屎往往會半烏半白，就有人借著雞母屎半烏白來形容一個人講話濫（lam7）兩種語言。
日據時代，有一寡仔台灣人，為著表示伊捌日語，佮日本人有交陪，講話愛濫一兩句仔日語，來提高伊的身份地位（迄當時叫做「國語」），老一輩的人聽 慣勢，就用即句雞母屎—半烏白，來剾洗遐的台灣走狗。後來用來形容「日語」「台語」濫濫做伙講的人。
即碼的台灣人，因為天生無捲舌音、無尖喙音，雖然長期受「華語」的教育，華語嘛一直講 標準，煞來「予人」恥笑講咱無水準，講咱是「台客」。歸氣咱將台語講予順，講予嫷，做一個真真正正的台灣人，而且請遐的華語族群，全部來學講台語，閣規定 停講華語一段時間，體會台語族群學華語的心情佮痛苦，我想遐的華語族群，一定不敢閣笑咱「台客」矣。
台灣人的肚量實在真大，華語族群學講台語無標準，咱攏會當包容。有一擺，我接受高雄警廣岳玲的訪問，岳玲小姐真客氣，一直講伊台語講 輪轉，有聽眾就敲電話入來叫岳玲台語毋通學傷好，
伊愛聽伊迄種無標準的台語；以前，氣象主報李富城佇民視用台語報氣象，我嘛敢覺真好聽，閣真佩服伊學講台語的精神。是按怎歸喙「北京話」的人， 當用即種欣賞的態度來看待學講華語的族群？
台灣的鄉親啊！「華語」佇台灣只不過是一個溝通的工具爾，講 標準無要緊，嘛是應該的啊！汝若是「華語」佮「台語」濫濫做伙講，嘛是算雞母屎—半烏白喔！
四、台灣歌詩、歌謠：
播放「永遠的翁婿」 藍淑貞詞 林慧哲曲 江玫慧唱