2005-08-25 11:05:30藍淑貞
長榮之聲【台語觸喙鼓】24
FM88.3 STAR RADIO長榮之聲24【台語觸喙鼓】
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「蓬（phong5）萊海上一仙島，山青水秀人呵咾，卜食卜穿免驚無，愛唱山歌來相褒。」各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
今仔日起，卜來探討啥乜人是真正的台灣人？是漢人抑是即碼的原住民？原住民敢真正就是土生土長的台灣人？
原住民分做兩種，一種是高山族，一種是平埔族。高山族比平埔族卡早來。
高山族閣分十族：滯北部的泰雅族、賽夏族，有紋面的風俗；滯中部的布農族；滯中部佮阿里山的鄒族（曹族）；滯南部的魯凱族、排灣族，分貴族佮平民的階級；滯東部的卑南族佮阿美族，卑南族捌建立卑南王國，統治過阿美族。阿美族是台灣唯一全族滯平地的高山族，人口佔上濟，是原住民九族中第一大族；滯蘭嶼的雅美族（達悟族）佮滯日月潭的邵族（水沙連族，大多忘了母語，幾乎全族漢化，）。（口訣：阿邵布魯雅杯排球淘汰賽）高山族滯佇丘陵地佮山區，過著山林遊耕佮扑獵的生活，所以叫做「高山族」。
台灣原住民屬南島語族，根據學者推測，大約佇六、七千年前，由華北佮華
中遷徙來台灣的有泰雅族、賽夏族和鄒族等，上晏（uann3）大約佇五百年前，才由菲律賓巴丹島遷過來的達悟族（雅美族）。（未定論）
有人講漢人來以後，才將原住民趕去山區是不著的。事實上，漢人來台灣進前，台灣的平地已經是平埔族的天下矣。平埔族目前所知的有九族：西拉雅（SIRAYA）、洪雅族（HOANYA）、巴不薩族（BABUZA）、巴宰海族（PAZEH）、拍瀑拉族（PAPORA）、道卡斯族（TAOKAS）、凱達格蘭族（KETAGALAN）、蛤瑪蘭族（KAVALAN）、加裡宛族（KALEWAN）。（錄自洪敏麟主講【找台灣的根】台灣省文獻委員會印行）
其實，比高山族卡早滯台灣的人類可能是「矮烏人」，漢人、原住民攏算是移民來的。即碼原住民各族群中，猶有「矮烏人」的傳說。有關「矮烏人」的傳說咱留咧後一擺才來講。
所以台灣歷史舞台先後出現的，除了「史前人」，無法度稽考以外，代先應該是已經滅族的「矮烏人」，然後才是「高山族」，閣來是「平埔族」，以後才是「漢民族」。台灣人干礁有先來後到，逐家攏是「移住民」，既然攏共款來到即個所在，攏是台灣人，愛好好仔鬥陣，互相珍惜，愛台灣、共同來發展台灣、建設台灣才著，莫閣分啥乜本省、外省；新住民、原住民矣！
二、今旦日介紹的姓是
1.前國大代表穆閩珠的「穆」，華語讀做「ㄇㄨˋ」，台語音「bok8」。
2.前環保署長郝龍斌的「郝」，華語讀做「ㄏㄠˇ」，台語音「hok4」。
3.複習頂禮拜：耿 的「耿」，華語讀做「ㄍㄥˇ」，台語音「king2」。
邵玉銘的「邵」，華語讀做「ㄕㄠˋ」，台語音「siau7」。
三、台灣諺語、俗語：聽著漳泉拼，卜走跤骨疼，不走無性命：
械鬥的習性佇福建、廣州早就存在，徙來台灣以後，變甲愈厲害。台灣漢人的械鬥，北部分漳泉、閩粵；彰化淡水分閩番：南部分閩粵。泉州系閣分頂郊（泉州三邑的晉江、惠安、南安）、下郊（同安），往往歸年爭鬥不斷，造成真濟不幸的後果。朱一貴平定了後，台灣總兵藍廷珍看著械鬥的風氣愈演愈烈，命藍鼎元草擬「諭閩粵民人一檄」通令全台，雖然暫時收嚇阻之效，但是事後，地方政令鬆散，械鬥閣起。
咸豐三年（1853），佇淡水河的碼頭工人，為著小事發生爭執，竟然演變做一場慘烈的械鬥。下郊人想卜利用即個機會，奪取頂郊三邑人的地盤，予頂郊人感覺無將下郊人消滅，無法度安居樂業。就向中立的安溪人借路，攻入下郊的八甲庄，燒殺擄掠，死傷遍野。下郊人看大勢已去，只好保護崇拜的霞海城隍爺，殺出一條路，逃入奇武卒社（大稻埕），暫時安居。
下郊人佇奇武卒社認真開墾，地方一日一日繁榮，大稻埕的發展有一日千日之勢，落尾和艋舺分做兩大市區，雙方各自安居樂業，糾紛自然消滅，不過，初期所結落來的冤仇，代代不解。兩地的囡仔，佇路裡相遇，常常相罵，大稻埕的囡仔罵：「大埕鳥，艋舺龜。」艋舺的囡仔罵：「艋舺鳥，大埕龜」，因為鳥仔會啄龜。
舺龍山寺的普渡是有名的，寺前排滿全豬全羊，去參觀的人真濟。一群漳州人看著遐的豬羊，就講：「即爿全豬，迄爿全羊。」因為「全」和「泉」諧音。泉州人也講：「將豬擺過來，將羊擺過去。」因為「將」和「漳」諧音。
閣有一句：台灣人放尿攪沙(勿會) 做堆。
由中國大陸來台灣的漢人，以河洛人佮客人兩個族群為主；河洛人閣分漳州人佮泉州人。因為來自無仝的原鄉，語言、風俗、習慣攏無仝，自然就形成仝款族群滯做伙、依類劃分地盤的現象。
泉州人大多數滯沿海地區，漳州人滯內陸平埔，客人滯卡倚（ua2）山區山地丘陵。不過，因為生存的競爭，常常發生糾紛，進一步閣分類械鬥，一直到清末才漸漸平息。
台灣俗話說：「台灣人放尿攪沙 做堆」，就是說台灣人為著家己的利益，一向攏(勿會)團結。其實，台灣人干礁有先來後到，無論是原住民抑是新住民，無論是河洛人抑是客人，逐家團結一致，才有法度永遠經營，才會當繼續佇即塊土地生存發展，永傳後世，何必分什麼族群呢？
四、台灣歌詩、歌謠： 詞：藍淑貞 曲：王明哲
歌：進學國小王品喬、謝孟成小朋友
too7 kun2/un2 a2
肚 蚓 仔
too7 kun2/un2 a2 sin1 tng5 tng5
肚 蚓 仔 身 長 長
too7 kun2/un2 a2 io1 nng2 nng2
肚 蚓 仔 腰 軟 軟
i1 u7 chui3 bo5 bak8 kng1
伊有 喙 無 目 光
bo5 kut4 thau5cin1 gau5 cng3
無 骨 頭 真 鑽
thoo5 khang1 co3 bin5 chng5
塗 空 做 眠 床
a7/ia7 bo5 thang1 a7 bo5 bng5
也 無 窗 也 無 門
a7 bo5 lang5 lai5 sio1 cioh4 bng7
也無 人 來 相 借 問
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「蓬（phong5）萊海上一仙島，山青水秀人呵咾，卜食卜穿免驚無，愛唱山歌來相褒。」各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
今仔日起，卜來探討啥乜人是真正的台灣人？是漢人抑是即碼的原住民？原住民敢真正就是土生土長的台灣人？
原住民分做兩種，一種是高山族，一種是平埔族。高山族比平埔族卡早來。
高山族閣分十族：滯北部的泰雅族、賽夏族，有紋面的風俗；滯中部的布農族；滯中部佮阿里山的鄒族（曹族）；滯南部的魯凱族、排灣族，分貴族佮平民的階級；滯東部的卑南族佮阿美族，卑南族捌建立卑南王國，統治過阿美族。阿美族是台灣唯一全族滯平地的高山族，人口佔上濟，是原住民九族中第一大族；滯蘭嶼的雅美族（達悟族）佮滯日月潭的邵族（水沙連族，大多忘了母語，幾乎全族漢化，）。（口訣：阿邵布魯雅杯排球淘汰賽）高山族滯佇丘陵地佮山區，過著山林遊耕佮扑獵的生活，所以叫做「高山族」。
台灣原住民屬南島語族，根據學者推測，大約佇六、七千年前，由華北佮華
中遷徙來台灣的有泰雅族、賽夏族和鄒族等，上晏（uann3）大約佇五百年前，才由菲律賓巴丹島遷過來的達悟族（雅美族）。（未定論）
有人講漢人來以後，才將原住民趕去山區是不著的。事實上，漢人來台灣進前，台灣的平地已經是平埔族的天下矣。平埔族目前所知的有九族：西拉雅（SIRAYA）、洪雅族（HOANYA）、巴不薩族（BABUZA）、巴宰海族（PAZEH）、拍瀑拉族（PAPORA）、道卡斯族（TAOKAS）、凱達格蘭族（KETAGALAN）、蛤瑪蘭族（KAVALAN）、加裡宛族（KALEWAN）。（錄自洪敏麟主講【找台灣的根】台灣省文獻委員會印行）
其實，比高山族卡早滯台灣的人類可能是「矮烏人」，漢人、原住民攏算是移民來的。即碼原住民各族群中，猶有「矮烏人」的傳說。有關「矮烏人」的傳說咱留咧後一擺才來講。
所以台灣歷史舞台先後出現的，除了「史前人」，無法度稽考以外，代先應該是已經滅族的「矮烏人」，然後才是「高山族」，閣來是「平埔族」，以後才是「漢民族」。台灣人干礁有先來後到，逐家攏是「移住民」，既然攏共款來到即個所在，攏是台灣人，愛好好仔鬥陣，互相珍惜，愛台灣、共同來發展台灣、建設台灣才著，莫閣分啥乜本省、外省；新住民、原住民矣！
二、今旦日介紹的姓是
1.前國大代表穆閩珠的「穆」，華語讀做「ㄇㄨˋ」，台語音「bok8」。
2.前環保署長郝龍斌的「郝」，華語讀做「ㄏㄠˇ」，台語音「hok4」。
3.複習頂禮拜：耿 的「耿」，華語讀做「ㄍㄥˇ」，台語音「king2」。
邵玉銘的「邵」，華語讀做「ㄕㄠˋ」，台語音「siau7」。
三、台灣諺語、俗語：聽著漳泉拼，卜走跤骨疼，不走無性命：
械鬥的習性佇福建、廣州早就存在，徙來台灣以後，變甲愈厲害。台灣漢人的械鬥，北部分漳泉、閩粵；彰化淡水分閩番：南部分閩粵。泉州系閣分頂郊（泉州三邑的晉江、惠安、南安）、下郊（同安），往往歸年爭鬥不斷，造成真濟不幸的後果。朱一貴平定了後，台灣總兵藍廷珍看著械鬥的風氣愈演愈烈，命藍鼎元草擬「諭閩粵民人一檄」通令全台，雖然暫時收嚇阻之效，但是事後，地方政令鬆散，械鬥閣起。
咸豐三年（1853），佇淡水河的碼頭工人，為著小事發生爭執，竟然演變做一場慘烈的械鬥。下郊人想卜利用即個機會，奪取頂郊三邑人的地盤，予頂郊人感覺無將下郊人消滅，無法度安居樂業。就向中立的安溪人借路，攻入下郊的八甲庄，燒殺擄掠，死傷遍野。下郊人看大勢已去，只好保護崇拜的霞海城隍爺，殺出一條路，逃入奇武卒社（大稻埕），暫時安居。
下郊人佇奇武卒社認真開墾，地方一日一日繁榮，大稻埕的發展有一日千日之勢，落尾和艋舺分做兩大市區，雙方各自安居樂業，糾紛自然消滅，不過，初期所結落來的冤仇，代代不解。兩地的囡仔，佇路裡相遇，常常相罵，大稻埕的囡仔罵：「大埕鳥，艋舺龜。」艋舺的囡仔罵：「艋舺鳥，大埕龜」，因為鳥仔會啄龜。
舺龍山寺的普渡是有名的，寺前排滿全豬全羊，去參觀的人真濟。一群漳州人看著遐的豬羊，就講：「即爿全豬，迄爿全羊。」因為「全」和「泉」諧音。泉州人也講：「將豬擺過來，將羊擺過去。」因為「將」和「漳」諧音。
閣有一句：台灣人放尿攪沙(勿會) 做堆。
由中國大陸來台灣的漢人，以河洛人佮客人兩個族群為主；河洛人閣分漳州人佮泉州人。因為來自無仝的原鄉，語言、風俗、習慣攏無仝，自然就形成仝款族群滯做伙、依類劃分地盤的現象。
泉州人大多數滯沿海地區，漳州人滯內陸平埔，客人滯卡倚（ua2）山區山地丘陵。不過，因為生存的競爭，常常發生糾紛，進一步閣分類械鬥，一直到清末才漸漸平息。
台灣俗話說：「台灣人放尿攪沙 做堆」，就是說台灣人為著家己的利益，一向攏(勿會)團結。其實，台灣人干礁有先來後到，無論是原住民抑是新住民，無論是河洛人抑是客人，逐家團結一致，才有法度永遠經營，才會當繼續佇即塊土地生存發展，永傳後世，何必分什麼族群呢？
四、台灣歌詩、歌謠： 詞：藍淑貞 曲：王明哲
歌：進學國小王品喬、謝孟成小朋友
too7 kun2/un2 a2
肚 蚓 仔
too7 kun2/un2 a2 sin1 tng5 tng5
肚 蚓 仔 身 長 長
too7 kun2/un2 a2 io1 nng2 nng2
肚 蚓 仔 腰 軟 軟
i1 u7 chui3 bo5 bak8 kng1
伊有 喙 無 目 光
bo5 kut4 thau5cin1 gau5 cng3
無 骨 頭 真 鑽
thoo5 khang1 co3 bin5 chng5
塗 空 做 眠 床
a7/ia7 bo5 thang1 a7 bo5 bng5
也 無 窗 也 無 門
a7 bo5 lang5 lai5 sio1 cioh4 bng7
也無 人 來 相 借 問