2005-08-25 11:00:26藍淑貞
長榮之聲【台語觸喙鼓】23
FM88.3 STAR RADIO長榮之聲23【台語觸喙鼓】父親節專集
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「蓬萊海上一仙島，山青水秀人呵咾，卜食卜穿免驚無，愛唱山歌來相褒。」各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
八月初八是「爸爸節」，不知各位聽眾朋友有對爸爸表示嘸？傳統爸爸的角色，攏無話無句，比較卡嚴肅，所以容易「予人」忽視。世界真早就定五月的第二個禮拜日是「母親節」，真濟人寫歌來表揚、呵咾媽媽。不過，一直到我南師畢業的時（民國53年），猶無「爸爸節」。（會記畢業的時，阮迄班提出卜定即日做「爸爸節」，也做阮同學會的日子）。後來不知啥乜時陣開始有人咧慶祝「爸爸節」，雖然是生理人喊喝出來的，不過，對歸年辛苦的爸爸，嘛會當得著一點仔安慰，是真有意義。希望天下所有的爸爸，攏會當過一個快樂的日子。
不過，咧慶祝「爸爸節」的同時，咱猶看著真濟做人爸爸的，對家庭實施暴力，一寡仔可憐的囡仔，予爸爸扑甲一個面種歪歪，甚至死死昏昏去；媽媽予爸爸扑甲走頭無路，實在真可憐！
我感覺，現代的女性，無論佗一方面，攏一直咧求進步，不過，一寡仔查甫人猶停佇傳統「父親」的角色，不願行出來。認為「某」「囝」是伊的附屬品，伊卜按怎就按怎， 尊重「某」「囝」。
所以八月初七，台南女權會為著鼓勵「好爸爸」「妙爸爸」，建立現代爸爸的新形象，佇進學國小視聽教育中心，舉辦一個「妙爸爸」的選拔，希望逐家會當向 學習。
二、今旦日介紹的姓是
1. 耿 的「耿」，華語讀做「ㄍㄥˇ」，台語音「king2」。
2. 邵玉銘的「邵」，華語讀做「ㄕㄠˋ」，台語音「siau7」。
3. 經管會主委龔照勝的「龔」，華語讀做「ㄍㄨㄥ」，台語音「king2」。
歌星巫啟賢的「巫」，華語讀做「ㄨˊ」，台語音「bu5」。
三、台灣諺語、俗語：（摘錄自拙著《細說台灣諺語》）
漢文化一向輕視女性，認為「女子無才便是德」；「唯女子與小人，唯難養也」；「在家從父，出外從夫。」台灣文化因為漢人大量移民的關係，受著漢文化即種重男輕女的影響真深，閣加上日本仔強力統治五十年，日本人大男人主義特別重，所以幾仔百年來，台灣的婦女一直受著即種低俗的文化束縛，離勿會 開即種卑微的角色。認為查某人是軟弱的，是好欺負的，是奴隸，是煮飯婆，是查甫人的附屬品，所以卜扑卜罵由在伊，查某人勿會使有家己的想法，勿會使有家己的主張，若有，就是婦女之見、就是查某人番。有的查甫人為著卜維護家己的利益，為著卜維護家己的尊嚴，閣卡為著會當控制女性，就會搬出一套大道理來壓制，來批評。即種現象，佇台灣諺語內底出現真濟。
1. 荏荏查甫，卡贏勇勇查某。（再軟弱的男人，總比任何女人強）
2. 查某漩尿勿會上壁。（女人的小便上不了牆壁。比喻女人成不了大事）
3. 月光勿會 曝得粟。（月光代表女人，比喻女人成不了大事）
4. 月光光，不值得暗暗日。（比喻女人比不上男人）
5. 雞母啼是禍，不是福。（雞母比喻女人。女人當家做主，是禍不是福。）
6. 雞角啼是應該，雞母啼著刣。（雞角比喻男人。女人當家做主，是禍不是福。）
7. 男人四十是鸚哥，女人四十是老婆。（男人到了四十歲，仍然像鸚哥一樣英俊，女人到了四十歲，就是老婆婆了。）
8. 受翁欺，毋通受某治。（寧可受丈夫欺負也不可以受妻子的管治）
9.某會不如翁賢。（妻子能幹不如丈夫賢能）
10.男人七寶之身，女人五漏之體。（七寶︰心、肝、脾、腦、髓、精、血；五漏：左右雙乳、肛門、尿道、產道。比愈女人任何事都比不上男人。）
11.十婦，九妒。（十個女人中有九個善妒）
12.嫁雞綴雞飛、嫁狗綴狗爬。（嫁雞隨雞，嫁狗隨狗）
佇即種輕視女性，物化女性的大男人主義之下，查甫的任何代誌攏贏查某的，連放尿即種代誌，查某的都綴勿會 著，所以台灣的查甫人，一直勿會 尊重女性，養成扑某，欺負女性，甚至蹧踏女性的惡性，所有養女的問題，雛妓問題，攏因為即種心態產生的。根據調查，近來全台暴力犯罪，女性受害的比率已經唯1993年的28.1纫升到1996年的57.1纫（1999.8.26中國時報），顯示出婦女受暴力的的情況，愈來愈嚴重，婦女生活佇暴力、驚惶的生活環境中。這是浮出檯面的，真正的數目不止仔安爾。
四、台灣歌詩、歌謠：永遠的翁婿 藍淑貞詞 林慧哲曲 江玫慧唱
自從佮汝熟似
結婚 生囝到現在
因為有汝
我過了真自在
汝是我唯一的愛
自從佮汝熟似
阮著歸路笑咳咳
不管是行田岸
抑是走天涯
阮攏有汝的愛
後世人若閣有緣
阮卜閣做汝的新娘
一代閣一代
一擺閣一擺
永永遠遠
汝攏是阮的翁婿
2001.5.2.
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「蓬萊海上一仙島，山青水秀人呵咾，卜食卜穿免驚無，愛唱山歌來相褒。」各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
八月初八是「爸爸節」，不知各位聽眾朋友有對爸爸表示嘸？傳統爸爸的角色，攏無話無句，比較卡嚴肅，所以容易「予人」忽視。世界真早就定五月的第二個禮拜日是「母親節」，真濟人寫歌來表揚、呵咾媽媽。不過，一直到我南師畢業的時（民國53年），猶無「爸爸節」。（會記畢業的時，阮迄班提出卜定即日做「爸爸節」，也做阮同學會的日子）。後來不知啥乜時陣開始有人咧慶祝「爸爸節」，雖然是生理人喊喝出來的，不過，對歸年辛苦的爸爸，嘛會當得著一點仔安慰，是真有意義。希望天下所有的爸爸，攏會當過一個快樂的日子。
不過，咧慶祝「爸爸節」的同時，咱猶看著真濟做人爸爸的，對家庭實施暴力，一寡仔可憐的囡仔，予爸爸扑甲一個面種歪歪，甚至死死昏昏去；媽媽予爸爸扑甲走頭無路，實在真可憐！
我感覺，現代的女性，無論佗一方面，攏一直咧求進步，不過，一寡仔查甫人猶停佇傳統「父親」的角色，不願行出來。認為「某」「囝」是伊的附屬品，伊卜按怎就按怎， 尊重「某」「囝」。
所以八月初七，台南女權會為著鼓勵「好爸爸」「妙爸爸」，建立現代爸爸的新形象，佇進學國小視聽教育中心，舉辦一個「妙爸爸」的選拔，希望逐家會當向 學習。
二、今旦日介紹的姓是
1. 耿 的「耿」，華語讀做「ㄍㄥˇ」，台語音「king2」。
2. 邵玉銘的「邵」，華語讀做「ㄕㄠˋ」，台語音「siau7」。
3. 經管會主委龔照勝的「龔」，華語讀做「ㄍㄨㄥ」，台語音「king2」。
歌星巫啟賢的「巫」，華語讀做「ㄨˊ」，台語音「bu5」。
三、台灣諺語、俗語：（摘錄自拙著《細說台灣諺語》）
漢文化一向輕視女性，認為「女子無才便是德」；「唯女子與小人，唯難養也」；「在家從父，出外從夫。」台灣文化因為漢人大量移民的關係，受著漢文化即種重男輕女的影響真深，閣加上日本仔強力統治五十年，日本人大男人主義特別重，所以幾仔百年來，台灣的婦女一直受著即種低俗的文化束縛，離勿會 開即種卑微的角色。認為查某人是軟弱的，是好欺負的，是奴隸，是煮飯婆，是查甫人的附屬品，所以卜扑卜罵由在伊，查某人勿會使有家己的想法，勿會使有家己的主張，若有，就是婦女之見、就是查某人番。有的查甫人為著卜維護家己的利益，為著卜維護家己的尊嚴，閣卡為著會當控制女性，就會搬出一套大道理來壓制，來批評。即種現象，佇台灣諺語內底出現真濟。
1. 荏荏查甫，卡贏勇勇查某。（再軟弱的男人，總比任何女人強）
2. 查某漩尿勿會上壁。（女人的小便上不了牆壁。比喻女人成不了大事）
3. 月光勿會 曝得粟。（月光代表女人，比喻女人成不了大事）
4. 月光光，不值得暗暗日。（比喻女人比不上男人）
5. 雞母啼是禍，不是福。（雞母比喻女人。女人當家做主，是禍不是福。）
6. 雞角啼是應該，雞母啼著刣。（雞角比喻男人。女人當家做主，是禍不是福。）
7. 男人四十是鸚哥，女人四十是老婆。（男人到了四十歲，仍然像鸚哥一樣英俊，女人到了四十歲，就是老婆婆了。）
8. 受翁欺，毋通受某治。（寧可受丈夫欺負也不可以受妻子的管治）
9.某會不如翁賢。（妻子能幹不如丈夫賢能）
10.男人七寶之身，女人五漏之體。（七寶︰心、肝、脾、腦、髓、精、血；五漏：左右雙乳、肛門、尿道、產道。比愈女人任何事都比不上男人。）
11.十婦，九妒。（十個女人中有九個善妒）
12.嫁雞綴雞飛、嫁狗綴狗爬。（嫁雞隨雞，嫁狗隨狗）
佇即種輕視女性，物化女性的大男人主義之下，查甫的任何代誌攏贏查某的，連放尿即種代誌，查某的都綴勿會 著，所以台灣的查甫人，一直勿會 尊重女性，養成扑某，欺負女性，甚至蹧踏女性的惡性，所有養女的問題，雛妓問題，攏因為即種心態產生的。根據調查，近來全台暴力犯罪，女性受害的比率已經唯1993年的28.1纫升到1996年的57.1纫（1999.8.26中國時報），顯示出婦女受暴力的的情況，愈來愈嚴重，婦女生活佇暴力、驚惶的生活環境中。這是浮出檯面的，真正的數目不止仔安爾。
四、台灣歌詩、歌謠：永遠的翁婿 藍淑貞詞 林慧哲曲 江玫慧唱
自從佮汝熟似
結婚 生囝到現在
因為有汝
我過了真自在
汝是我唯一的愛
自從佮汝熟似
阮著歸路笑咳咳
不管是行田岸
抑是走天涯
阮攏有汝的愛
後世人若閣有緣
阮卜閣做汝的新娘
一代閣一代
一擺閣一擺
永永遠遠
汝攏是阮的翁婿
2001.5.2.