2005-08-25 10:52:15藍淑貞
長榮之聲【台語觸喙鼓】21
FM88.3 STAR RADIO長榮之聲21【台語觸喙鼓】
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「蓬萊海上一仙島，山青水秀人呵咾，卜食卜穿免驚無，愛唱山歌來相褒。」各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
真久無講故事矣，今仔日我來講一個「水牛佮豬」的故事：
佇一個真大的農場內底，飼兩隻水牛，一隻卡大隻，一隻卡細隻。即兩隻水牛，負擔農場所有的工課，包括犁田、翻塗、鬥轉水車，載農產品；稻仔收成了後，閣愛拖大石磨共粟仔磨做粉，逐日攏對透早無閒甲日頭落山。
即兩隻水牛，迹爾拍拼，不過，主人干礁予 食一寡仔草仔佮稻草，連 上愛去水窟仔攤（nua3）漉糊縻仔，主人都因為無閒，真少 去。
的主人另外飼一隻豬，即隻豬，攏毋免做任何的工課，逐日攏食真好，有飯閣有菜，下晡時仔閣有豆箍做點心。逐日食飽閒仙仙，四界去 迌。
有一日，細隻水牛就共大隻水牛咒懺講：「咱做赫濟苦工，主人攏予咱食無飽，有當時閣愛去草仔埔家己尋物食。汝看迄隻貧惰豬，無做甲半項工課，閣逐日食甲飽嬰嬰。」
大隻水牛講：「汝勿怨妒伊！」就無閣講落下矣。
細隻水牛一擺閣一擺一直咧咒懺，大隻水牛干礁應伊講：「汝勿怨妒伊」。
有一日，主人的查某囝卜嫁矣，結婚迄一日，迄隻豬煞「予人」掠去刣，做出一桌的好料理。即時陣，大隻水牛才共細隻水牛講：「即碼汝知影我是按怎叫汝勿怨妒迄隻豬啊乎？」
細隻水牛講：「我知也，我知也。 仔食，矻力做，總比食甲肥肥，予人掠去刣好濟咧矣！」
2004.12.2.
二、今旦日介紹的姓是
1、倪賓的「倪」，台語音「ge5」。
2、胡瓜的「胡」，台語音「oo5」。
3、嚴家淦的「嚴」，台語音「giam5」。
前行政院院長唐飛的「唐」，台語音「tng5」。「唐」的文讀音「tong5」，白話音是「tng5」，有人讀作「thng5」是不著的。
三、台灣諺語、俗語：
紅柿出頭，羅漢跤仔目屎流：
清朝禁止百姓 家眷來台灣，遮的單身來台灣的人，因為無厝通滯，暫時屈佇廟宇後殿十八羅漢神像的壁跤，所以叫做羅漢跤仔。紅柿若出頭，就是秋天，入秋天氣漸冷，年節漸近，引起羅漢跤仔想厝的之心情。
遮的移民，好運的，會當予平埔族招，過著「一個某，卡好三個天公祖」的生活；若無，就過著「有路無厝」「乞食伴羅漢」的流民生活，真濟人佇走投無路之下，投入去一波一波的民變（朱一貴事件等）。既然是羅漢跤仔，當然是「無某無猴」，死後也「無囝無兒」通送上山頭，屍體暴露路邊，任由風吹日曝。有善心的人看 過，替 收屍，起廟祭拜，才有「有應公」廟的產生，所以台灣俗語閣講：「少年若無一擺戇，路邊哪有應公。」咧講，若無遮的「戇少年」，離開故鄉，流浪到台灣，落尾煞客死外鄉，路邊哪有迹濟「有應公」通拜？
四、台灣歌詩、歌謠：
1999年三月初十，我代表學校去南投縣國姓鄉，參加一個衛生組的研習活動，暗時滯佇北港溪公園山莊。即個所在真嫷，山青水秀，空氣真清涼，假若是世外桃園咧。經過一日的活動，照理講，暗時應該真好睏才對，不過，我一向攏真輕眠，睏到半暝，更深夜靜的時，窗仔外傳來一陣一陣細聲細聲、若有若無的聲音，我聽出是啥乜聲，拍開窗仔門一看，原來是溪水對「小木屋」邊仔流過的聲，一時，予我真感動，借著月光看錶仔，是半暝三點，我趕緊 起來寫即首詩。
原來是水聲 藍淑貞
佇更深夜靜的
三更半夜
有聽著人咧叫我
細聲細聲
掠準阿君仔佇窗外
拍開窗門探頭看
尋無人影
原來是水聲
1999.3.10. 夜宿北港溪公園山莊，半暝三點寫
菅芒花台語文學第二期
淡水牛津文藝第五期
註：1.佇：在也。
2.掠準：以為。
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「蓬萊海上一仙島，山青水秀人呵咾，卜食卜穿免驚無，愛唱山歌來相褒。」各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
真久無講故事矣，今仔日我來講一個「水牛佮豬」的故事：
佇一個真大的農場內底，飼兩隻水牛，一隻卡大隻，一隻卡細隻。即兩隻水牛，負擔農場所有的工課，包括犁田、翻塗、鬥轉水車，載農產品；稻仔收成了後，閣愛拖大石磨共粟仔磨做粉，逐日攏對透早無閒甲日頭落山。
即兩隻水牛，迹爾拍拼，不過，主人干礁予 食一寡仔草仔佮稻草，連 上愛去水窟仔攤（nua3）漉糊縻仔，主人都因為無閒，真少 去。
的主人另外飼一隻豬，即隻豬，攏毋免做任何的工課，逐日攏食真好，有飯閣有菜，下晡時仔閣有豆箍做點心。逐日食飽閒仙仙，四界去 迌。
有一日，細隻水牛就共大隻水牛咒懺講：「咱做赫濟苦工，主人攏予咱食無飽，有當時閣愛去草仔埔家己尋物食。汝看迄隻貧惰豬，無做甲半項工課，閣逐日食甲飽嬰嬰。」
大隻水牛講：「汝勿怨妒伊！」就無閣講落下矣。
細隻水牛一擺閣一擺一直咧咒懺，大隻水牛干礁應伊講：「汝勿怨妒伊」。
有一日，主人的查某囝卜嫁矣，結婚迄一日，迄隻豬煞「予人」掠去刣，做出一桌的好料理。即時陣，大隻水牛才共細隻水牛講：「即碼汝知影我是按怎叫汝勿怨妒迄隻豬啊乎？」
細隻水牛講：「我知也，我知也。 仔食，矻力做，總比食甲肥肥，予人掠去刣好濟咧矣！」
2004.12.2.
二、今旦日介紹的姓是
1、倪賓的「倪」，台語音「ge5」。
2、胡瓜的「胡」，台語音「oo5」。
3、嚴家淦的「嚴」，台語音「giam5」。
前行政院院長唐飛的「唐」，台語音「tng5」。「唐」的文讀音「tong5」，白話音是「tng5」，有人讀作「thng5」是不著的。
三、台灣諺語、俗語：
紅柿出頭，羅漢跤仔目屎流：
清朝禁止百姓 家眷來台灣，遮的單身來台灣的人，因為無厝通滯，暫時屈佇廟宇後殿十八羅漢神像的壁跤，所以叫做羅漢跤仔。紅柿若出頭，就是秋天，入秋天氣漸冷，年節漸近，引起羅漢跤仔想厝的之心情。
遮的移民，好運的，會當予平埔族招，過著「一個某，卡好三個天公祖」的生活；若無，就過著「有路無厝」「乞食伴羅漢」的流民生活，真濟人佇走投無路之下，投入去一波一波的民變（朱一貴事件等）。既然是羅漢跤仔，當然是「無某無猴」，死後也「無囝無兒」通送上山頭，屍體暴露路邊，任由風吹日曝。有善心的人看 過，替 收屍，起廟祭拜，才有「有應公」廟的產生，所以台灣俗語閣講：「少年若無一擺戇，路邊哪有應公。」咧講，若無遮的「戇少年」，離開故鄉，流浪到台灣，落尾煞客死外鄉，路邊哪有迹濟「有應公」通拜？
四、台灣歌詩、歌謠：
1999年三月初十，我代表學校去南投縣國姓鄉，參加一個衛生組的研習活動，暗時滯佇北港溪公園山莊。即個所在真嫷，山青水秀，空氣真清涼，假若是世外桃園咧。經過一日的活動，照理講，暗時應該真好睏才對，不過，我一向攏真輕眠，睏到半暝，更深夜靜的時，窗仔外傳來一陣一陣細聲細聲、若有若無的聲音，我聽出是啥乜聲，拍開窗仔門一看，原來是溪水對「小木屋」邊仔流過的聲，一時，予我真感動，借著月光看錶仔，是半暝三點，我趕緊 起來寫即首詩。
原來是水聲 藍淑貞
佇更深夜靜的
三更半夜
有聽著人咧叫我
細聲細聲
掠準阿君仔佇窗外
拍開窗門探頭看
尋無人影
原來是水聲
1999.3.10. 夜宿北港溪公園山莊，半暝三點寫
菅芒花台語文學第二期
淡水牛津文藝第五期
註：1.佇：在也。
2.掠準：以為。