2005-08-25 10:39:29藍淑貞
長榮之聲【台語觸喙鼓】19
FM88.3 STAR RADIO長榮之聲19【台語觸喙鼓】
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「蓬萊海上一仙島，山青水秀人呵咾，卜食卜穿免驚無，愛唱山歌來相褒。」
各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
最近常聽著電視咧討論少年人「新三不」政策，啥乜叫做「新三不」政策？就是「不婚」、「不生」、「不立」。
「不婚」是因為教育程度提高，對婚姻的期待也提高；尤其查某人經濟能力獨立了後，無需要靠查甫人，所以對傳統婚姻的角色也開始懷疑。其實，查某人比查甫人有卡現代化的觀點。第一、查某人希望查甫人會當分擔一部份的家事，平平兩個攏列食頭路趁錢，是按怎查某人哪著承擔所有的家事？不過，查甫人無啥進步，猶停佇傳統的角色，認為家事本來就是查某人應該做的代誌，這當然就 當配合。第二、查某人希望翁婿不但是「翁婿」爾，嘛希望是一位會當講「心內話」的好朋友。
即一、二十年來，我參加真濟活動，無論讀書會也好、研習會、成長營、演講會也好，參加的人大部份攏是查某的，查甫人尋無幾個。台灣的查某人一直咧追求進步，不過結過婚的查甫人甘願食飽坐佇電視前，嘛不願行出來。
「不生」是指「不結婚」含「結婚了不生」兩種。早期，政府一直宣導「兩個恰恰好」，後來就有人提出「一個不算少」，後來，閣有人提出「沒有最好」，唸起來押韻閣鬥句。我有一位同事，翁仔某攏真優秀，某嫷翁緣投，一位是高級設計師，一位是高中的老師。佇二十外年前，我生第三個的，「予人」笑超載的時，伊就干礁孤生一個查某囝就不生矣，伊講，卜閣上班卜閣「 」囡仔傷忝（累）；佇我熟似的朋友內底，嘛有翁仔某攏真優秀，就是不肯生。尤其即碼少年的「頂客族」，教育程度懸，經濟獨立，追求個人的享受，不願受束縛，就不願結婚也不願生矣。
其實「不生」的原因，主要是「養兒防老」的觀念已經破除矣，飼囝 靠得，何必要辛辛苦苦浪費青春，到老猶原是「孤單老人」！
「不立」是指到三十歲猶閣「不立」。逐家應該攏讀過孔子公講的「三十而立，四十而不惑（hik4），五十而知天命，六十而耳順，七十而從心所欲不踰（u5/lu5）矩。」古早人三十歲就應該是「成家立業」矣，不過即碼真濟少年人，靠父母的經濟能力，大學畢業二十二、三歲，閣繼讀兩年的研究所，煞落來閣四、五年的博士班，博士摕著，卜尋一個好頭路也無容易，所以想卜「三十而立」也真困難，所以就有一寡仔「三十不立」的族群產生。
即代的少年人，受好的教育，經濟問題有父母做靠山，閣無想卜擔責任，才有即種「新三不」的政策。其實，有一寡仔責任擔，嘛是一種甜蜜的負擔。
二、今旦日介紹的姓是
1.呂秀蓮的「呂」，漳州腔是「li7」，泉州腔是「lu7」。
2.顏慶章的「顏」，讀作「gan5」毋通讀作「ian3」。
3.複習頂禮拜的姓：電視主播名叫「婁純瓏」，「婁」華語讀做「ㄌㄩˇ」台語愛
讀作「loo5」。台南市前市長「辛文炳」的「辛」，讀作「sin1」。
三、台灣諺語、俗語：平溪火燒寮，見雲就落雨
基隆有「雨港」之稱，以前，我掠準上 落的所在就是基隆。最進才知影不著，台灣落雨量上濟的所在是台北縣平溪火燒寮，逐年平均落雨量到甲五、六千毫米，不但超過全台灣二千五百毫米的平均落雨量，也是東南亞落雨量上濟的所在。
火燒寮位佇基隆、台北、宜蘭三縣市交界的迎風面。逐年九月到隔年三月的東北季風，帶著大量的水氣向南吹，佇遮，受著地形的阻擋，造成大量的雨勢；若遇著夏、秋季的風颱，所造成的落雨量、愈卡驚人，有全台「暴雨中心」之稱。
佇`民國元年，火燒寮創下八千四百零八毫里降雨量的紀錄。火燒寮的雨水，一部份流入去翡翠水庫，成做大台北地區居民飲用的活水來源；一部份流入去基隆河，是造成下游地區像汐止大量淹水的兇犯。
是按怎迹爾厚雨水的所在會叫做火燒寮？根據當地東勢村村長講，乾隆年間來開墾的先民，用茅仔草起厝，捌因為煮飯火燒厝，將全村燒甲光光光，後來就有人共遮號做「火燒寮」。
火燒寮一年365日有200日會落雨。滯佇遮的人，早就習慣「見雲就落雨」的天氣。有一位八十三歲的老農夫講，常落雨嘛有好處，遮的果子佮花樹，攏發甲比別位卡好，假若是「世外桃園」咧！（資料來源：94.7.4聯合報）
四、台灣歌詩、歌謠：
緣起緣滅 藍淑貞
想勿會到好好天會來起風雲
想勿會到平靜的海面會來起大湧
想勿會到汝會對我迹絕情
放撒阮軟弱的心性
佇孤單的窗前
看著汝佮新人
手勾手 笑微微
親像菟絲花纏佇大樹枝
纏甲密密密
甜甜甜
想起早前少年時
汝講汝是大樹枝
我是樹下的花蕊
汝卜照顧我一世
無疑花開結籽已經無芳味
汝煞放阮做汝去
蜜蜂採蜜一蕊閣一蕊
花蕊甘願為伊吐花絲
直到無心閣無味
蜜蜂斡咧做伊去
花謝落塗
化做一堆泥
1997.6.15. 林清玄再婚事件有感
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「蓬萊海上一仙島，山青水秀人呵咾，卜食卜穿免驚無，愛唱山歌來相褒。」
各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
最近常聽著電視咧討論少年人「新三不」政策，啥乜叫做「新三不」政策？就是「不婚」、「不生」、「不立」。
「不婚」是因為教育程度提高，對婚姻的期待也提高；尤其查某人經濟能力獨立了後，無需要靠查甫人，所以對傳統婚姻的角色也開始懷疑。其實，查某人比查甫人有卡現代化的觀點。第一、查某人希望查甫人會當分擔一部份的家事，平平兩個攏列食頭路趁錢，是按怎查某人哪著承擔所有的家事？不過，查甫人無啥進步，猶停佇傳統的角色，認為家事本來就是查某人應該做的代誌，這當然就 當配合。第二、查某人希望翁婿不但是「翁婿」爾，嘛希望是一位會當講「心內話」的好朋友。
即一、二十年來，我參加真濟活動，無論讀書會也好、研習會、成長營、演講會也好，參加的人大部份攏是查某的，查甫人尋無幾個。台灣的查某人一直咧追求進步，不過結過婚的查甫人甘願食飽坐佇電視前，嘛不願行出來。
「不生」是指「不結婚」含「結婚了不生」兩種。早期，政府一直宣導「兩個恰恰好」，後來就有人提出「一個不算少」，後來，閣有人提出「沒有最好」，唸起來押韻閣鬥句。我有一位同事，翁仔某攏真優秀，某嫷翁緣投，一位是高級設計師，一位是高中的老師。佇二十外年前，我生第三個的，「予人」笑超載的時，伊就干礁孤生一個查某囝就不生矣，伊講，卜閣上班卜閣「 」囡仔傷忝（累）；佇我熟似的朋友內底，嘛有翁仔某攏真優秀，就是不肯生。尤其即碼少年的「頂客族」，教育程度懸，經濟獨立，追求個人的享受，不願受束縛，就不願結婚也不願生矣。
其實「不生」的原因，主要是「養兒防老」的觀念已經破除矣，飼囝 靠得，何必要辛辛苦苦浪費青春，到老猶原是「孤單老人」！
「不立」是指到三十歲猶閣「不立」。逐家應該攏讀過孔子公講的「三十而立，四十而不惑（hik4），五十而知天命，六十而耳順，七十而從心所欲不踰（u5/lu5）矩。」古早人三十歲就應該是「成家立業」矣，不過即碼真濟少年人，靠父母的經濟能力，大學畢業二十二、三歲，閣繼讀兩年的研究所，煞落來閣四、五年的博士班，博士摕著，卜尋一個好頭路也無容易，所以想卜「三十而立」也真困難，所以就有一寡仔「三十不立」的族群產生。
即代的少年人，受好的教育，經濟問題有父母做靠山，閣無想卜擔責任，才有即種「新三不」的政策。其實，有一寡仔責任擔，嘛是一種甜蜜的負擔。
二、今旦日介紹的姓是
1.呂秀蓮的「呂」，漳州腔是「li7」，泉州腔是「lu7」。
2.顏慶章的「顏」，讀作「gan5」毋通讀作「ian3」。
3.複習頂禮拜的姓：電視主播名叫「婁純瓏」，「婁」華語讀做「ㄌㄩˇ」台語愛
讀作「loo5」。台南市前市長「辛文炳」的「辛」，讀作「sin1」。
三、台灣諺語、俗語：平溪火燒寮，見雲就落雨
基隆有「雨港」之稱，以前，我掠準上 落的所在就是基隆。最進才知影不著，台灣落雨量上濟的所在是台北縣平溪火燒寮，逐年平均落雨量到甲五、六千毫米，不但超過全台灣二千五百毫米的平均落雨量，也是東南亞落雨量上濟的所在。
火燒寮位佇基隆、台北、宜蘭三縣市交界的迎風面。逐年九月到隔年三月的東北季風，帶著大量的水氣向南吹，佇遮，受著地形的阻擋，造成大量的雨勢；若遇著夏、秋季的風颱，所造成的落雨量、愈卡驚人，有全台「暴雨中心」之稱。
佇`民國元年，火燒寮創下八千四百零八毫里降雨量的紀錄。火燒寮的雨水，一部份流入去翡翠水庫，成做大台北地區居民飲用的活水來源；一部份流入去基隆河，是造成下游地區像汐止大量淹水的兇犯。
是按怎迹爾厚雨水的所在會叫做火燒寮？根據當地東勢村村長講，乾隆年間來開墾的先民，用茅仔草起厝，捌因為煮飯火燒厝，將全村燒甲光光光，後來就有人共遮號做「火燒寮」。
火燒寮一年365日有200日會落雨。滯佇遮的人，早就習慣「見雲就落雨」的天氣。有一位八十三歲的老農夫講，常落雨嘛有好處，遮的果子佮花樹，攏發甲比別位卡好，假若是「世外桃園」咧！（資料來源：94.7.4聯合報）
四、台灣歌詩、歌謠：
緣起緣滅 藍淑貞
想勿會到好好天會來起風雲
想勿會到平靜的海面會來起大湧
想勿會到汝會對我迹絕情
放撒阮軟弱的心性
佇孤單的窗前
看著汝佮新人
手勾手 笑微微
親像菟絲花纏佇大樹枝
纏甲密密密
甜甜甜
想起早前少年時
汝講汝是大樹枝
我是樹下的花蕊
汝卜照顧我一世
無疑花開結籽已經無芳味
汝煞放阮做汝去
蜜蜂採蜜一蕊閣一蕊
花蕊甘願為伊吐花絲
直到無心閣無味
蜜蜂斡咧做伊去
花謝落塗
化做一堆泥
1997.6.15. 林清玄再婚事件有感